Kpokpaa nɔ Kpee He Gbɛjianɔtoo Hee

Gbii enyɔ kpokpaa nɔ kpee he gbɛjianɔtoo ni jeɔ shishi yɛ February mli lɛ yitso ji, “Ye Nyɔŋmɔ Kitai Anɔ Koni Oyi Aná Wala.” (Abɛi 4:4) Ebaama nɔ hewɔ ni Nyɔŋmɔ kitai atoiboo jeee nɔ ni wa Iɛ nɔ mi. Kɛfata he lɛ, ebaatsɔɔ bɔ ni Nyɔŋmɔ suɔmɔnaa nifeemɔ lɛ kɛ tsui ni nyɔɔ mɔ mli kɛ anɔkwa miishɛɛ kɛ agbɛnɛ hiɛnɔkamɔ kɛha wɔsɛɛ be baa.—Mat. 11: 28-30; Yoh. 13:17.

Mɛi ni sumɔɔ ni abaptisi amɛ yɛ kpee lɛ shishi koni amɛtsɔɔ toiboo ni amɛfeɔ amɛhaa Kristo kita lɛ akɛɛ onukpai asɛinɔtalɔ lɛ, ni ebaato gbɛjianɔ ni he hiaa lɛ.—Mat. 28:19, 20.

Wiemɔi ni ahaa kɛtsaraa nɔ lɛ baatsɔɔ gbɛ̀i ni abaanyɛ akɛtsu nii, ni wɔbaanyɛ wɔtsɔ nɔ wɔjie suɔmɔ kpo wɔtsɔɔ Nyɔŋmɔ kɛ wɔnyɛmimɛi. (Yoh. 13:34, 35; 1 Yoh. 5:3) Akɛ ŋaawoo ni taa mɔ tsuiŋ ni jɛ Lalai 19 kɛ 119 lɛ baafata gbɛjianɔtoo lɛ he. Eyɛ mli akɛ aŋma ŋaawoo ni jɛ mumɔŋ ni jɛ lalai nɛɛ amli lɛ afii akpei abɔ ni eho nɛ moŋ, shi wɔbaana bɔ ni ehe baa sɛɛnamɔ kɛhaa wɔ diɛŋtsɛ ŋmɛnɛ.

Maŋshiɛmɔ ni kpokpaa wulu nɔkwɛlɔ lɛ baaha lɛ yitso ji, “She Nyɔŋmɔ Gbeyei ni Oye Ekitai lɛ Anɔ.” (Jaj. 12:13) Kpokpaa nɔkwɛlɔ lɛ naagbee wiemɔ lɛ baatsɔɔ bɔ ni Oblahii kɛ oblayei baanyɛ ana nɔ ni hi fe fɛɛ kɛjɛ shihilɛ mli amrɔ nɛɛ kɛ nɔ hewɔ ni amɛbaanyɛ amɛná hekɛnɔfɔɔ yɛ naanɔ wɔsɛɛ shihilɛ mli. Kpokpaa wulu nɔkwɛlɔ lɛ kɛ gbɛjianɔtoo lɛ baaba naagbee kɛtsɔ sɛɛnamɔi babaoo ni jɛɔ suɔmɔ “mla lɛ mli otu” lɛ mli kɛbaa, ní eeetsɔɔ fɛɛ ekomekomei lɛ nɔ. (Yak. 2:8) Lɛɛlɛŋ, enɛ ji kpokpaa nɔ kpee he gbɛjianɔtoo ko ni mɔ ko mɔ ko sumɔŋ akɛ éŋmɛɛ lɛ!