Sɔɔmɔ Kpee Kɛha January
Otsi ni Jeɔ Shishi January 4
10 min: Asafoŋ Adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kɛ́ bei ni nyɛkɛyaa kpee lɛ tsake yɛ January 1 lɛ, no lɛ, nyɛkaia mɛi fɛɛ koni amɛha mɛi ni yɔɔ wiemɔ lɛ he miishɛɛ lɛ alea.
15 min: “Nyɛkɛ Woji Memeji lɛ Atsua Nii Jogbaŋŋ Kɛmɔ Shi.” Sanebimɔi kɛ hetooi. Tsĩi woji memeji ni nyɛ asafo lɛ yɔɔ lɛ atã. Tsɔɔmɔ saji komɛi ni yɔɔ miishɛɛ ni yɔɔ mli, koni otsɔɔ bɔ ni aaafee awie he atsɔɔ mɛi krokomɛi. Wo mɛi fɛɛ hewalɛ koni amɛkɛ nɛkɛ woji nɛɛ atsu nii yɛ shiɛmɔ nitsumɔ lɛ mli, kɛ agbɛnɛ hu yɛ trukaa odaseyeli mli yɛ January mli. Ha ni afee shiɛmɔ wiemɔ kuku ni yɔɔ mlɛo he nɔkwɛmɔnɔ.
20 min: Mla Naa Yiŋkpɛɛ ni Afeɔ Kɛha Helatsamɔ ni Akɛ Lá Tsuuu Nii yɛ Mli (Bɔf. 15:28, 29). Wiemɔ ni onukpa ko ni he esa kɛbaaha. “Advance Medical Directive/Release” wolo lɛ: Kɛ agbe kpee nɛɛ naa lɛ, abaaha Odasefoi ni abaptisi amɛ wolo hee lɛ eko, ni mɛi ni yɔɔ bii ni abaptisiko amɛ lɛ anine baashɛ “Identity Card” lɛ nɔ amɛha gbɛkɛ fɛɛ gbɛkɛ. Esaaa akɛ aŋmalaa woji nɛɛ anɔ nii gbɛkɛ nɛɛ. Esa akɛ aŋmala amɛnɔ nii jogbaŋŋ yɛ shia, shi akɛ waonaa gbɛi AKAWO shishi. Kɛ agbe Asafo Woloŋ Nikasemɔ ni baanyiɛ sɛɛ lɛ naa lɛ, abaatsu woji fɛɛ ni akɛ waonaa gbɛi baawo shishi, ehe odaseyeli, kɛ gbi ni abaaŋma yɛ nɔ lɛ he nii yɛ woloŋ nikasemɔ nɔkwɛlɔ lɛ gbɛtsɔɔmɔ shishi. Dani akɛ waonaa gbɛi aaawo shishi lɛ, akwɛ akɛ aŋmala woji lɛ anɔ nii fɛɛ dã lo. Esa akɛ mɛi ni kɛ amɛ waonaa gbɛi woɔ shishi akɛ mɛi ni yeɔ he odase lɛ akwɛ koni amɛna akɛ mɔ ni hiɛ wolo lɛ kɛ ewaonaa gbɛi miiwo wolo lɛ shishi lɛɛlɛŋ. Shiɛlɔi ni abaptisiko amɛ lɛ baanyɛ akwɛ wolo nɛɛ nɔ wiemɔi lɛ ni amɛfee lɛ bɔ ni baasa amɛ diɛŋtsɛ amɛ shihilɛi kɛ amɛhemɔkɛyelii koni amɛkɛŋma amɛ diɛŋtsɛ amɛ gbɛtsɔɔmɔ he wolo ni amɛkɛbaatsu nii amɛha amɛhe kɛ amɛbii. Esa akɛ woloŋ nikasemɔ nɔkwɛlɔi lɛ aŋmala mɛi fɛɛ ni yɔɔ ekuu lɛ mli lɛ agbɛi, koni ená nɔmimaa akɛ akɛ yelikɛbuamɔ ni he hiaa amɛ koni amɛŋmala “Advance Medical Directive/Release” wolo lɛ nɔ nii lɛ eha.
Lala 61 kɛ naagbee sɔlemɔ.
Otsi ni Jeɔ Shishi January 11
15 min: Asafoŋ adafitswai. Shika he akɔntaabuu. Tĩi “Kpokpaa nɔ Kpee He Gbɛjianɔtoo Hee” lɛ mli.
15 min: “Wɔyiŋkpɛɛ—Ákɛ Wɔbaanyiɛ Yehowa Shihilɛ Gbɛ lɛ Sɛɛ.” Wiemɔ ni akɛbaaha. Okɛ hewalɛwoo ni kɔɔ mɛi fɛɛ ahe koni amɛba asafoŋ kpeei enumɔ ni afeɔ yɛ otsi lɛ mli daa lɛ afata he.
15 min: “Nyɛŋmɛa Nyɛtsui Shi.” Sanegbaa ni baakã weku ko mli bii ateŋ. Amɛsusu gbɛ̀i anɔ ni amɛaatsɔ ni baaha amɛnyɛ amɛŋmɛ amɛtsui shi waa yɛ amɛ sɔɔmɔ nitsumɔ lɛ mli. Akɛ saji ni he hiaa ni yɔɔ June 15, 1995 Buu-Mɔɔ, baafa 12 lɛ mli lɛ afata he.
Lala 135 kɛ naagbee sɔlemɔ.
Otsi ni Jeɔ Shishi January 18
5 min: Asafoŋ adafitswai.
13 min: “Tsu Oshiɛmɔ Nitsumɔ lɛ He Nii Jogbaŋŋ Kɛmɔ Shi.” Sanebimɔi kɛ hetooi ni baadamɔ kukuji 1-7 ni yɔɔ nɔ ni aŋma ahɔ mli lɛ nɔ. Gbalamɔ jwɛŋmɔ kɛya otii ni ekolɛ ebaakɔ nyɛ shikpɔŋkuku lɛ he lɛ nɔ.
12 min: “Nɔkwɛlɔi ni Nyiɛɔ Hiɛ—Asafo Woloŋ Nikasemɔ Nɔkwɛlɔi Lɛ.” Wiemɔ ni woloŋ nikasemɔ nɔkwɛlɔ ni feɔ nɔkwɛmɔnɔ kpakpa kɛbaaha, ni ekɛbaatsɔɔ enitsumɔi amli. Etsɔɔ bɔ ni nitsumɔ ni tamɔ nɛkɛ haa asafo lɛ yaa hiɛ yɛ enitsumɔi amli kɛ mumɔŋ fɛɛ. Ekɛ saji otii ni yɔɔ Our Ministry wolo lɛ, baafai 43-45, 74-76 lɛ afata he.
15 min: “Nikasemɔi Ashishijee yɛ Taoɔ Wolo Bibioo lɛ Mli.” Sanebimɔi kɛ hetooi ni akɛaasusu he.
Lala 197 kɛ naagbee sɔlemɔ.
Otsi ni Jeɔ Shishi January 25
Lala 201
5 min: Asafoŋ adafitswai.
10 min: “Tsakemɔi ni Afee yɛ Ŋmɛlɛtwai ni Ataoɔ yɛ Gbɛgbalɔi Adɛŋ.” Wiemɔ ni onukpa ko kɛbaaha. Jiemɔ Gbɛgbalɔi ni yɔɔ asafo lɛ mli lɛ ayi, ni owo mɛi pii hewalɛ ni amɛkɛ amɛhe awo gbɛgbalɔi awalɔ kɛ daa gbɛgbamɔ nitsumɔ lɛ mli, ni amɛha ehi amɛjwɛŋmɔ mli akɛ, amɛbaatsu nii waa yɛ March, April, kɛ May mli. Okɛ saji ni yɔɔ nɔ ni aŋma ahɔ February 1997 kɛ July 1998 Wɔ Maŋtsɛyeli Sɔɔmɔ lɛ mli lɛ afata he.
15 min: “Tsu Oshiɛmɔ Nitsumɔ lɛ He Nii Jogbaŋŋ Kɛmɔ Shi.” Sanebimɔi kɛ hetooi ni akɛbaasusu kukuji 8-21 ni yɔɔ nɔ ni aŋma ahɔ mli lɛ he. Gbalamɔ jwɛŋmɔ kɛya saji otii ni ekolɛ ebaakɔ nyɛ shikpɔŋkuku lɛ he lɛ nɔ.
15 min: Ani Okwɛɔ Ŋmalɛi lɛ Amli Daa? Wiemɔ kɛ toibolɔi kɛ sanegbaa. Asafo lɛ kɛ Ŋmalɛi lɛ Amli ni Wɔɔkwɛ wolo bibioo lɛ haa wɔ daa afi. Ani nyɛkɛ wolo nɛɛ tsuɔ nii jogbaŋŋ akɛ aŋkroaŋkroi aloo akɛ weku? Tsɔɔmɔ sɛɛnamɔi ahewɔ ni esa akɛ wɔkwɛɔ ŋmalɛ lɛ mli gbi fɛɛ gbi lɛ mli. Wiemɔ saji ni yɔɔ hiɛkpamɔ ni yɔɔ Ŋmalɛi lɛ Amli ni Wɔɔkwɛ Daa—1999, baafai 3-4 lɛ mli lɛ he. Ha shiɛlɔi awie mɔdɛŋ ni amɛbɔɔ waa koni amɛkwɛ ŋmalɛ lɛ kɛ emlitsɔɔmɔi lɛ amli daa yɛ anɔkwale mli akɛ aŋkroaŋkroi kɛ wekui lɛ amɛtsɔɔ.
Lala 225 kɛ naagbee sɔlemɔ.