Sɔɔmɔ Kpee He Gbɛjianɔtoo

Kadimɔ: Abaato Sɔɔmɔ Kpee he gbɛjianɔ kɛha nyɔji ni abaafee kpeei lɛ yɛ mli lɛ amli otsii lɛ fɛɛ yɛ Wɔ Maŋtsɛyeli Sɔɔmɔ lɛ mli. Asafoi lɛ baanyɛ amɛfee tsakemɔi ni he hiaa yɛ mli koni amɛnyɛ amɛya “Kpɔ̃mɔ Ebɛŋkɛ!” Kpokpaa Wulu nɔ Kpee lɛ. Kɛ́ ebaahi lɛ, nyɛkɛ minitii 15 atĩa ŋaawoo ni baakɔ nyɛhe ni yɔɔ nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli yɛ naagbee Sɔɔmɔ Kpee ni nyɛbaafee dani nyɛya kpee lɛ mli. Kpee lɛ sɛɛ nyɔŋ kome loo nyɔji enyɔ lɛ, nyɛkɛ Sɔɔmɔ Kpee lɛ mli minitii 15 kɛmɔ 20 (nyɛbaanyɛ nyɛkɛ enɛ aye asafoŋ hiamɔ nii lɛ najiaŋ) kɛtĩ kpee lɛ mli saji otii lɛ amli. Esaaa akɛ enɛ feɔ kpeei gbɛjianɔtoo lɛ fɛɛ mlitĩi. Yɛ no najiaŋ lɛ, efee nɔ ni akɛbaamamɔ fãi ni kɔɔ shiɛmɔ nitsumɔ lɛ he tɛ̃ɛ lɛ pɛ anɔ mi. Ha shiɛlɔi lɛ atsɔɔ bɔ ni amɛkɛ nakai saji lɛ miitsu nii yɛ amɛshiɛmɔ nitsumɔ lɛ mli.

Otsi ni Jeɔ Shishi November 13

Lala 152

Min. 5: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

Min. 15: “Ta ni Abaafã yɛ Je Lɛŋ Fɛɛ Kɛtswa ‘Kpɔ̃mɔ Ebɛŋkɛ!’ Kpokpaa Wulu nɔ Kpee lɛ He Adafi.”a Bɔɔ mɔdɛŋ ni okane kukuji lɛ fɛɛ mli.

Min. 25: “Mɛ̃ɛ Yehowa.”b Asafoŋ woloŋmalɔ lɛ baatsu he nii. Tsĩi kpeei ni atsɔɔ ni nyɛsafo lɛ aya lɛ tã. Ha toibolɔi lɛ atsɔɔ bɔ ni kpee lɛ tsitsinaa-tsɛɛ nii ni lɛ wɔɔtsɛ yɛ he ni kpee lɛ yaa nɔ yɛ lɛ be fɛɛ be lɛ baanyɛ aha wɔná hegbɛ kɛye odase. Wó toibolɔi lɛ hewalɛ ni amɛkɛ hegbɛ fɛɛ hegbɛ ni amɛaaná aye trukaa odase ni amɛkɛ Please Follow Up (S-43) wolo lɛ abɔ miishɛɛ ni mɛi jie lɛ kpo lɛ he amaniɛ.

Lala 191 kɛ naagbee sɔlemɔ.

Otsi ni Jeɔ Shishi November 20

Lala 132

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee bɔ ni abaafee akɛ November 1 Buu-Mɔɔ lɛ aha, ní akɛ klɛŋklɛŋ gbɛtsɔɔmɔ ni akɛha kɛha November Awake! lɛ hu afee bɔ ni aaafee ni akɛha he nɔkwɛmɔnɔ. Ha nɔkwɛmɔnii lɛ ateŋ ekome akɔ gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I am already acquainted with your work” (Nyɛnitsumɔ lɛ jeee nɔ ko hee kɛha mi) lɛ agba sane.—Kwɛmɔ Reasoning wolo lɛ bf. 20 lɛ mli.

Min. 20: Akɛ Gbɔmɔ ni Fe Mɔ Fɛɛ Mɔ wolo lɛ baaha yɛ December mli. Toibolɔi kɛ sanegbaa. Ha toibolɔi atsɔɔ nibii ni amɛnáa he miishɛɛ yɛ Gbɔmɔ ni Fe Mɔ Fɛɛ Mɔ wolo lɛ he, ni asaŋ amɛgba niiashikpamɔi komɛi ni yɔɔ miishɛɛ ni amɛná beni amɛkɛ wolo nɛɛ ha yɛ be ni eho lɛ mli. Tĩi gbɛ nɔ ni aaatsɔ akɛha he gbɛtsɔɔmɔi ni je kpo yɛ nɔ ni aŋma ahɔ January 2005 Wɔ Maŋtsɛyeli Sɔɔmɔ lɛ mli lɛ mli. Ha akɛ gbɛtsɔɔmɔi lɛ ateŋ ekome loo ekroko ni baahi aha nyɛshikpɔŋkuku lɛ atsu nii kɛfee bɔ ni abaafee akɛ wolo lɛ aha he nɔkwɛmɔnɔ.

Min. 15: “Wɔyɛ Ekãa Kɛlɛ Wɔsumɔɔ Toiŋjɔlɛ.”c Okɛ saneyitso bibioo ni ji “Be ni Esa akɛ Oŋmɛɛ He” ni yɔɔ Sɔɔmɔ Skul wolo lɛ baafa 252-253 lɛ mli lɛ mli sane afata he.

Lala 39 kɛ naagbee sɔlemɔ.

Otsi ni Jeɔ Shishi November 27

Lala 111

Min. 5: Asafoŋ adafitswai. Kaimɔ shiɛlɔi koni amɛkɛ ashiɛmɔyaa he akɔntaabuu kɛha November aha. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.

Min. 10: Akɛ Ekomefeemɔ Miimamɔ Tsũi Kɛmiijie Nyɔŋmɔ Yi. Wiemɔ ni asafoŋ onukpa ko baajɛ sane ni yɔɔ November 1, 2006 Buu-Mɔɔ lɛ baafa 17-21 lɛ mli eha.

Min. 15: “Bɔ ni Atoɔ Woji Tɛtrɛbii Kɛhamɔ He Shiɛmɔ Wiemɔ He Gbɛjianɔ Ahaa.”d Ha shiɛlɔi enyɔ ni ji mɔ kɛ eŋa kɛ minitii etɛ afee nɔkwɛmɔnɔ. Bɔ ni amɛfee lɛ nɛ. Amɛyi enyɔ lɛ ata shi ni amɛhala shiɛmɔ wiemɔ he nɔkwɛmɔnii ni akɛha yɛ baafa 8 lɛ naagbee nɔ̃ enyɔ lɛ ateŋ ekome ni amɛsusu gbɛ nɔ ni amɛaatsɔ amɛkɛtsu nii he, koni no sɛɛ lɛ amɛkɛwo amɛ diɛŋtsɛ amɛwiemɔ mli. No sɛɛ lɛ, amɛkɛ ŋaawoo ni akɛha yɛ sane ni wɔsusu he bianɛ lɛ mli lɛ atsu nii ni amɛsaa amɛhe kɛ saneyitso kroko ni amɛna akɛ mɛi baaná he miishɛɛ yɛ amɛshikpɔŋkuku lɛ mli, koni no sɛɛ lɛ amɛfee bɔ ni amɛkɛ saneyitso nɛɛ baatsu nii lɛ he nɔkwɛmɔnɔ.

Min. 15: “Feemɔ Biblia Mli Nikasemɔ ni Yaa Hiɛ yɛ Shinaa Naa.”e Ha afee nɔkwɛmɔnɔ kuku kɛtsɔɔ nɔ ni shiɛlɔ ko baanyɛ ewie koni ekɛ nii ni ekɛ shiatsɛ ko kaseɔ yɛ shinaa naa lɛ aya shĩa mli koni amɛfee nikasemɔ lɛ daa.

Lala 162 kɛ naagbee sɔlemɔ.

Otsi ni Jeɔ Shishi December 4

Lala 155

Min. 12: Asafoŋ adafitswai. Kanemɔ sane ni ji “Shiɛmɔyaa he Akɔntaabuu ni Akɛhaaa Mra” lɛ mli ni okɛ toibolɔi asusu he. Wó mɔ fɛɛ mɔ hewalɛ koni ekɛ asafo lɛ afee ekome kɛkwɛ ni akɛ akɔntaabuu ni ja aha nyɔŋ fɛɛ nyɔŋ. Wiemɔ “July Sɔɔmɔ Akɔntaabuu” lɛ he kɛmu nifeemɔ lɛ naa. Onukpai asɛinɔtalɔ lɛ baatsu enɛ he nii.

Min. 15: “Kpojiemɔ—Enaagbee Kwraa lɛ Ebɛŋkɛ!”f Wó asafoŋbii lɛ hewalɛ koni amɛkɛ nibii tamɔ akrabatsai kɛ mfonirii ni yɔɔ wolo lɛ mli lɛ atsu nii jogbaŋŋ. Yɛ nikasemɔ lɛ eko fɛɛ eko naagbee lɛ, esa akɛ akane Biblia lɛ kɛtĩ nɔ ni akase lɛ mli.

Min. 18: Sanekpakpa lɛ He Sɔɔlɔi. Wiemɔ kɛ toibolɔi ni akɛaagba sane ni yɔɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 77 lɛ mli kɛyashi saneyitso bibioo ni yɔɔ baafa 83 lɛ mli. Wó mɛi fɛɛ hewalɛ koni amɛye amɛbua mɛi heei lɛ ni amɛya amɛhiɛ. Esaaa akɛ onukpai lɛ shashao shi akɛ mɛi ni baanyɛ abatsɔmɔ shiɛlɔi lɛ aaaná shitamɔ.

Lala 168 kɛ naagbee sɔlemɔ.

Shiɛmɔyaa He Akɔntaabuu Ni Akɛhaaa Mra

Ale shiɛlɔi babaoo akɛ amɛkɛ amɛshiɛmɔyaa he akɔntaabuu haa mra yɛ nyɔŋ fɛɛ nyɔŋ naagbee. Shiɛlɔi ni tamɔ nakai lɛ sa yijiemɔ. Kɛlɛ, ayɔse akɛ daa nyɔŋ nɔ lɛ, shiɛlɔi aaafee 3,000 kɛ amɛshiɛmɔyaa he akɔntaabuu haaa mra ni akɛfata asafo muu lɛ fɛɛ nɔ̃ lɛ he. Ani obɔɔ mɔdɛŋ okɛ oshiɛmɔyaa he akɔntaabuu lɛ haa mra yɛ nyɔŋ fɛɛ nyɔŋ nɔ?

Aakai Asafo Woloŋ Nikasemɔ nɔkwɛlɔi lɛ koni amɛkɛ hiɛdɔɔ akwɛ ni mɛi fɛɛ ni yɔɔ amɛkuu lɛ mli lɛ aha woloŋmalɔ lɛ nine ashɛ amɛshiɛmɔyaa he akɔntaabuu lɛ nɔ yɛ be naa.