Afi 2011 Calendar lɛ Kɔɔ Weku Jamɔ He

Afi 2011 Calendar of Jehovah’s Witnesses muu lɛ fɛɛ kɔɔ Weku Jamɔ he. Obaana wekui ni yɔɔ ŋmɛnɛŋmɛnɛ beaŋ kɛ wekui ni hi shi yɛ Biblia beaŋ yɛ kalanda lɛ mli. Agbɛnɛ hu, obaana gbalashihilɛ mli hefatalɔi kɛ mɛi ni boteko gbalashihilɛ mli ni ji Yehowa tsuji ni miikase e-Wiemɔ lɛ.

Biblia mli gbɔmɛi ni obaana yɛ kalanda lɛ mli lɛ ná Yehowa mla lɛ he miishɛɛ, ni enɛ ye ebua amɛ waa ni amɛnyɛ amɛkpee shihilɛi ni mli wawai ni amɛkɛkpe lɛ anaa. (Lala 1:2, 3) Kɛ́ wɔweku lɛ mlibii lɛ ayi fa jio, amɛyi faaa jio, amɛ fɛɛ amɛyɛ asafo lɛ mli jio, ekomɛi bɛ mli jio lɛ, beni wɔkwɛɔ mfoniri nɛɛ ateŋ eko fɛɛ eko lɛ, ebaakai wɔ bɔ ni Weku Jamɔ he hiaa ha. Ashi gbɛ ko yɛ kalanda lɛ nɔ ní obaanyɛ oŋma gbi ni oweku lɛ eto kɛha Weku Jamɔ lɛ yɛ jɛi. Ani oŋma onɔ lɛ?