Okɛ Social Network Atsu Nii Yɛ Hiɛshikamɔ Mli

NƆ HEWƆ NI EHE HIAA: Tamɔ bɔ ni eji yɛ dɛŋdadei pii agbɛfaŋ lɛ, wɔbaanyɛ wɔkɛ social network atsu nii yɛ gbɛ kpakpa loo gbɛ gbonyo nɔ. Kristofoi komɛi ekpɛ amɛyiŋ akɛ amɛkɛtsuŋ nii kwraa. Kristofoi komɛi hu tsɔɔ nɔ amɛkɛ amɛwekumɛi kɛ amɛnanemɛi shãraa. Shi, Abonsam miitao ni wɔkɛtsu nii yɛ gbɛ gbonyo nɔ koni no afite gbɛ́i kpakpa ni wɔyɔɔ lɛ, kɛ agbɛnɛ hu, wekukpaa ni yɔɔ wɔ kɛ Yehowa teŋ lɛ. Wɔbaanyɛ wɔkase Yesu ni wɔ hu wɔhã shishitoo mlai ni yɔɔ Nyɔŋmɔ Wiemɔ lɛ mli lɛ aye abua wɔ ni wɔna oshãrai ni yɔɔ social network he, kɛ bɔ ni wɔbaafee wɔjo oshãrai nɛɛ anaa foi.​—Luk 4:4, 8, 12.

OSHÃRAI NI ESA AKƐ WƆTSI WƆHE KƐJE HE:

• Kaahã efite obe fɛɛ. Kɛ́ wɔhã social network he wɔbe fɛɛ lɛ, ehãŋ wɔná be ni fa kɛsɔmɔ Nyɔŋmɔ

  Biblia mli shishitoo mlai: Efe 5:15, 16; Fip 1:10

• Kaakwɛ nibii ni esaaa. Kɛ́ wɔkwɛ mfonirii ni esaaa lɛ, ebaanyɛ ehã ponografi kwɛmɔ aka wɔhe loo wɔyabɔ ajwamaŋ. Kɛ́ wɔkane saji ni mɛi ni ekwa anɔkwa jamɔ lɛ eŋmala lɛ, ebaanyɛ efite wɔhemɔkɛyeli lɛ

  Biblia mli shishitoo mlai: Mat 5:28; Fip 4:8

• Okɛ saji kɛ mfonirii ni esaaa akawo jɛmɛ. Wɔtsui baanyɛ alaka wɔ ni ehã wɔkɛ saji kɛ mfonirii ni esaaa awo social network lɛ nɔ. Shi kɛ́ wɔfee nakai lɛ, ebaanyɛ efite mɔ ko gbɛ́i, loo ehã mɔ lɛ hemɔkɛyeli mli agbɔjɔ

  Biblia mli shishitoo mlai: Ro 14:13; Efe 4:29

KWƐMƆ VIDIO NI JI, OHIƐ AKÃ SHI YƐ FESBUK KƐ EHENƆI LƐ KƐNITSUMƆ MLI LƐ, KONI NO SƐƐ LƐ, OKWƐ BƆ NI OBAAFEE OTSI OHE KƐJE NAAGBAI NƐƐ AHE: