LALA 36
Wɔbuɔ Wɔtsuii Ahe
Nɔ Ni Aprinti
1. Wɔbuɔ wɔtsuii ahe bei fɛɛ
Koni wɔkagbee shi.
Yehowa Nyɔŋmɔ naa wɔtsuiŋ
Gbɔmɔ ni aŋɔtee.
Bei komɛi wɔtsui lakaa wɔ,
Ehãa wɔfeɔ esha.
Nyɛhãa wɔkwɛa wɔtsui jogbaŋŋ,
Wɔnyiɛ Nyɔŋmɔ gbɛ nɔ.
2. Wɔbaatao Nyɔŋmɔ sɛɛ gbɛ daa
Kɛtsɔ sɔlemɔ nɔ.
Wɔdaa lɛ shi; wɔhãa eleɔ
Wɔhaomɔi srɔtoi fɛɛ.
Nibii ni Yehowa tsɔɔ wɔ,
Wɔbaafee kɛ miishɛɛ,
Wɔbaajɛ wɔtsuiŋ wɔbo toi,
Ni wɔsa ehiɛ daa.
3. Wɔjwɛŋɔ nibii kpakpai ahe,
Shi jeee nibii gbohii.
Wɔhãa Biblia jajeɔ wɔtsui,
Efeɔ wɔtsui ehee.
Yehowa sumɔɔ gbɔmɛi fɛɛ
Ni yeɔ lɛ anɔkwa.
Wɔbaajá lɛ kɛ wɔtsui fɛɛ;
Wɔkɛ lɛ baanyiɛ daa.
(Kwɛmɔ Lala 34:1; Fil. 4:8; 1 Pet. 3:4 lɛ hu.)