Kaahã Nikasemɔ Lɛ Shishinumɔ Wa

Nɔ Ni Yesu Fee

VIDIO: Yesu Nɔkwɛmɔnɔ Ni Hãa Wɔnaa Akɛ Wɔ-Tsɛ Lɛ Susuɔ Wɔhe

1. Kwɛmɔ VIDIO lɛ, loo kanemɔ Mateo 6:​25-27. No sɛɛ lɛ, susumɔ sanebimɔi ni nyiɛ sɛɛ nɛɛ ahe:

1. Mɛɛ nɔkwɛmɔnɔ Yesu kɛtsu nii ni hãa wɔnaa akɛ Yehowa susuɔ wɔhe?

2. Eyɛ mli akɛ Yesu le loofɔji ahe nibii pii moŋ, shi mɛni he ewie? Ni mɛni hewɔ ehi akɛ efee nakai?

Mɛni Wɔkaseɔ Yɛ Nɔ Ni Yesu Fee Lɛ Mli?

2. Kɛ́ wɔtsɔɔ mɛi nii yɛ gbɛ ni waaa nɔ lɛ, amɛbaakai nibii ni wɔtsɔɔ amɛ lɛ, ni ebaata amɛtsuiŋ.

Kasemɔ Yesu

3. Kaawie pii. Kaagba nikaselɔ lɛ nɔ fɛɛ nɔ ni ole yɛ nɔ ni nyɛkaseɔ lɛ he. Moŋ lɛ, okɛ lɛ asusu saji ni yɔɔ wolo ni nyɛkaseɔ lɛ mli lɛ pɛ ahe. Kɛ́ obi sane lɛ, too otsui shi ohã lɛ ni ehã hetoo. Kɛ́ eleee sane lɛ hetoo loo ewie nɔ ko ni kɛ nɔ ni Biblia lɛ etsɔɔ lɛ kpãaa gbee lɛ, bi lɛ saji krokomɛi ni baaye abua lɛ ni esusu sane lɛ he jogbaŋŋ. Kɛ́ o-Biblia mli nikaselɔ lɛ nu oti ni yɔɔ nɔ ni nyɛkaseɔ lɛ mli lɛ shishi lɛ, nyɛtsaa nikasemɔ lɛ nɔ.

4. Ye obua nikaselɔ lɛ ni ena tsakpaa ni yɔɔ nibii ni nyɛkase momo lɛ kɛ nɔ ni nyɛmiiba ni nyɛbakase lɛ teŋ. Akɛ nɔkwɛmɔnɔ lɛ, kɛ́ nyɛyaakase gbohiiashitee lɛ he nii lɛ, obaanyɛ okai lɛ nibii ni nyɛkase yɛ shihilɛ mli ni gbohii lɛ yɔɔ lɛ he dani nyɛje shishi.

5. Dani okɛ nɔkwɛmɔnɔ ko baatsu nii lɛ, susumɔ he jogbaŋŋ. Obaanyɛ obi ohe akɛ:

1. a. ‘Ani nɔkwɛmɔnɔ lɛ shishinumɔ waaa?’

2. b. ‘Ani mi-Biblia mli nikaselɔ lɛ baanu shishi oya?’

3. d. ‘Ani ebaaye ebua lɛ ni ekai oti ni yɔɔ nikasemɔ lɛ mli lɛ, aloo nɔkwɛmɔnɔ lɛ pɛ kɛkɛ ebaakai?’