Biblia Kanemɔ He Gbɛjianɔtoo

Nilee ni fe fɛɛ ni baanyɛ aye abua wɔ yɛ shihilɛ mli lɛ yɛ Biblia lɛ mli. Kɛ́ okane Biblia lɛ be fɛɛ be ni ojwɛŋ nɔ, ni okɛ nɔ ni okaseɔ lɛ tsu nii lɛ, “no baahã oye omanye yɛ ogbɛ nɔ.” (Yoshua 1:8; Lala 1:​1-3) Kɛfata he lɛ, obaale Nyɔŋmɔ kɛ e-Bi Yesu, ni no baahã oná naanɔ wala.​—Yohane 17:3.

Te esa akɛ oto Biblia lɛ kanemɔ naa ohã tɛŋŋ? Obaanyɛ otsɔ gbɛi srɔtoi anɔ ofee nakai. Biblia kanemɔ he gbɛjianɔtoo nɛɛ baaye abua bo ni okane Biblia lɛ yɛ bɔ ni ato naa ahã lɛ naa, loo yɛ saji pɔtɛɛ anaa. Akɛ nɔkwɛmɔnɔ lɛ, obaanyɛ okane Biblia lɛ fãi ni kɔɔ bɔ ni Nyɔŋmɔ kɛ blema Israelbii lɛ ye ehã lɛ he yinɔsane. Obaanyɛ okane fãi krokomɛi ni kɔɔ bɔ ni fee ni ato klɛŋklɛŋ afi oha lɛ mli Kristofoi asafo lɛ shishi kɛ bɔ ni fee ni eshwere lɛ he sane. Kɛ́ okane bɔ ni ato naa ahã yɛ wolo nɛɛ mli lɛ, obaanyɛ okane Biblia muu lɛ fɛɛ yɛ afi kome mli.

Kɛ́ ootao Biblia kanemɔ he gbɛjianɔtoo ni baahã okane Biblia lɛ daa gbi, okane fɛɛ ogbe naa yɛ afi kome mli, loo Biblia kanemɔ he gbɛjianɔtoo kɛhã mɛi ni kpaako amɛbɔi Biblia lɛ kanemɔ lɛ, wolo nɛɛ baaye abua bo. Daunlodimɔ Biblia kanemɔ he gbɛjianɔtoo ni abaanyɛ aprinti nɛɛ koni oje Biblia lɛ kanemɔ shishi ŋmɛnɛ.