Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • kp bf. 22-23
  • “Amɛhiɛ Bɛ Amɛhe Nɔ”

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • “Amɛhiɛ Bɛ Amɛhe Nɔ”
  • Nyɛyaa Nɔ Nyɛshia Kpe!
  • Saneyitsei Bibii
  • Saji Ni Tamɔ Enɛ
  • Te Ofeɔ Onii yɛ Kɔkɔbɔi ni Nyɔŋmɔ Diɛŋtsɛ Kɛhaa lɛ He Ohaa Tɛŋŋ?
  • Saamɔ Ohe Kɛha Yiwalaheremɔ Kɛmiiya Jeŋ Hee Mli
    Buu-Mɔɔ Eetswa Yehowa Maŋtsɛyeli He Adafi—1990
  • Kaimɔ Lot Ŋa Lɛ
    Kasemɔ Nii Kɛjɛ Biblia Lɛ Mli
  • Lot Ŋa lɛ Kwɛ Esɛɛ
    Mi-Wolo Ni Gbaa Biblia Mli Saji
  • ‘Nyɛyaa Nɔ Nyɛshia Kpe’—Kojomɔ Ŋmɛlɛtswaa Lɛ Eshɛ!
    Buu-Mɔɔ Eetswa Yehowa Maŋtsɛyeli He Adafi—2005
Kwɛmɔ Ekrokomɛi Hu
Nyɛyaa Nɔ Nyɛshia Kpe!
kp bf. 22-23

“Amɛhiɛ Bɛ Amɛhe Nɔ”

HIƐ ni akuɔ afɔ̃ɔ kɔkɔbɔi anɔ lɛ baanyɛ ekɛ oshara aba.

Beni atoɔ Darwin, ni ji Australia maŋtiase lɛ he gbɛjianɔ kɛha gbijurɔyeli nifeemɔi yɛ afi 1974 lɛ, anu tsɔnei abɛji ni naa wawai ni miibɔ kɔkɔ yɛ lasuogbele ko ni miitswa kɛmiiba lɛ hewɔ. Shi, no mli lɛ, aaafee afii 30 eho momo ni lasuogbele kpatako nibii ahiɛ yɛ Darwin. Belɛ mɛni baaha nɔ ko ni tamɔ nakai aba yɛ be ni tamɔ nɛkɛ mli? Maŋtiase lɛ mli bii babaoo eyasusuuu akɛ oshara lɛ ji nɔ ni hiɛdɔɔ diɛŋtsɛ yɔɔ mli kɛyashi be mli ni kɔɔyɔɔ ni tswaa waa lɛ bɔi tsũi ni mɛi ebua amɛhe naa yɛ mli yɛ gbeyeishemɔ hewɔ lɛ ayiteŋ kpamɔ kɛ gbogboi ni atswa awo amɛhe lɛ akũumɔ kɛ shishwiemɔ. Beni je tsɛreɔ lɛ, maŋtiase lɛ etsɔ amaŋfɔ.

Yɛ November afi 1985 lɛ, lasu gɔŋ ko fɛ́ yɛ Colombia. Snoo kɛ ais ni esere tsi ŋmɔtɔ babaoo eshwie maŋbii ni fa fe 20,000 ni yɔɔ Armero lɛ anɔ ni efũ amɛ. Ani akɛ kɔkɔbɔɔ haaa kɛtsɔɔɔ hiɛ? Gɔŋ lɛ ehoso yɛ nyɔji babaoo mli. Shi akɛni mɛi babaoo ni yɔɔ Armero maŋ lɛ mli lɛ kɛ afii pii ehi lasu gɔŋ lɛ shishi hewɔ lɛ, nɔ ni yaa nɔ lɛ jeee amɛhe sane ko. Abɔ maŋ onukpai lɛ kɔkɔ akɛ etsɛŋ ni amanehulu baafɛ́, shi amɛkɛ hiɛdɔɔ efeee nɔ ko koni amɛkɛbɔ maŋbii lɛ kɔkɔ. Akɛ adafitswai ha yɛ redio nɔ bɔni afee ni akɛha maŋbii lɛ atsɛ́ amɛtsui amɛŋmɛ amɛmli. Akɛ sɔlemɔ lɛ tsɔne ni awieɔ awoɔ mli lɛ tsu nii ni akɛwo mɛi hewalɛ koni amɛŋmɛ amɛtsui shi. Nakai gbɛkɛ lɛ, anu gbɛɛmɔi wuji enyɔ ni naa wa waa he. Eji oyɛ jɛmɛ kulɛ ani obaashi nibii ni oyɔɔ lɛ ni ojo foi? Mɛi fioo ko pɛ bɔ mɔdɛŋ fɛɛ ni amɛaanyɛ koni amɛfee nakai dani nibii afee nɔ ni ekpe sɛɛ tsɔ.

Bei pii lɛ jeŋ nilelɔi ni kaseɔ shikpɔŋ he nii lɛ tsɔɔ hei ni shikpɔŋhosomɔi baaba yɛ, ni babaoo baa mli nakai pɛpɛɛpɛ. Shi jeee be fɛɛ be amɛnyɛɔ amɛtsɔɔ be pɔtɛɛ ni shikpɔŋhosomɔi lɛ baaba. Yɛ afi 1999 lɛ, shikpɔŋhosomɔi kpata mɛi aaafee 20,000 awala hiɛ yɛ jeŋ fɛɛ. Mɛi babaoo ni hiɛ kpata lɛ susu akɛ nakai nɔ ko baŋ amɛnɔ.

Te Ofeɔ Onii yɛ Kɔkɔbɔi ni Nyɔŋmɔ Diɛŋtsɛ Kɛhaa lɛ He Ohaa Tɛŋŋ?

Biblia lɛ ejɛ jeeŋmɔ beebe etsɔɔ nibii ni baakadi naagbee gbii lɛ amli fitsofitso. Yɛ nɔ ni kɔɔ nibii amlitsɔɔmɔ nɛɛ he lɛ, ewoɔ wɔ hewalɛ koni wɔsusu “Noa gbii lɛ” ahe. “Yɛ gbii ni nyiɛ nu afua lɛ hiɛ lɛ amli” lɛ, gbɔmɛi lɛ náaa dekã kwraa kɛ daa gbi shihilɛ mli nifeemɔi, eyɛ mli moŋ akɛ ŋwanejee ko bɛ he akɛ awuiyeli ni efa babaoo lɛ hao amɛ. Yɛ nɔ ni kɔɔ kɔkɔbɔɔ ni Nyɔŋmɔ tsɔ etsulɔ Noa nɔ ekɛha lɛ he lɛ, “amɛhiɛ bɛ amɛhe nɔ kɛyashi nu afua lɛ baloo amɛ fɛɛ kɛtee.” (Mateo 24:37-39) Eji oyɛ jɛmɛ kulɛ, ani obaabo kɔkɔbɔɔ lɛ toi? Ani ofeɔ nakai amrɔ nɛɛ?

Eji ohi shi yɛ Sodom ni bɛŋkɛ Ŋshɔ ni Egbo lɛ yɛ nuu ni ji Lot, ni ji Abraham wɔfase lɛ gbii lɛ amli kulɛ mɛni obaafee? Maŋ lɛ mli yɛ fɛo tamɔ paradeiso. Maŋtiase lɛ eshwere waa. Gbɔmɛi lɛ feɔ nɔ fɛɛ nɔ ni amɛsumɔɔ. Yɛ Lot gbii lɛ amli lɛ, “amɛmiiyeyee nii, amɛmiinunuu dãai, amɛmiihehei, amɛmiihɔ̃hɔ̃ɔ nii, amɛmiitɛo tsei ni amɛmiimamɔ tsũi.” Maŋbii ni amɛyɔɔ amɛteŋ lɛ ashihilɛ hu ekpɔtɔ kɛ jeŋba shara. Eji oyɛ jɛmɛ kulɛ, ani obaabo Lot kɔkɔbɔɔ lɛ toi beni ewie eshi nifeemɔi fɔji lɛ? Ani kulɛ obaabo lɛ toi beni ekɛɔ bo akɛ Nyɔŋmɔ etswa efai shi akɛ ebaakpata Sodom maŋtiase lɛ hiɛ lɛ? Aloo kulɛ obaabu enɛ akɛ eji ŋmɔlɔ sane ko kɛkɛ taakɛ bɔ ni mɛi ni akpa gbɛ akɛ amɛbaatsɔmɔ Lot shaahiimɛi lɛ fee lɛ? Ani eeenyɛ efee akɛ oooje shishi akɛ ooojo foi, shi ofo ohe okwɛ osɛɛ taakɛ Lot ŋa lɛ fee lɛ? Eyɛ mli akɛ mɛi krokomɛi kɛ hiɛdɔɔ eyasusuuu kɔkɔbɔɔ lɛ he moŋ, shi gbi nɔ ní Lot shi Sodom lɛ, “Nyɔŋmɔ nɛ la kɛ swɔɔ kɛjɛ ŋwɛi, ni ekpata amɛ fɛɛ kwa amɛhiɛ.”—Luka 17:28, 29.

Mɛi ni fa ni yɔɔ wɔgbii nɛɛ amli lɛ ahiɛ bɛ amɛhe nɔ. Shi ábaa nɔkwɛmɔnii nɛɛ ayi yɛ Nyɔŋmɔ Wiemɔ lɛ mli koni aŋɔbɔ wɔ kɔkɔ, ni akɛwo wɔ hewalɛ koni WƆYA NƆ WƆSHI KPE!

[Akrabatsa/Mfoniri ni yɔɔ baafa 22]

Ani Jeŋ Muu Fɛɛ Nu Afua ko Ba Lɛɛlɛŋ?

Mɛi ni wieɔ shiɔ nii lɛ ateŋ mɛi pii kɛɛ Dabi. Shi Biblia lɛ kɛɔ akɛ Hɛɛ.

Yesu Kristo diɛŋtsɛ wie Nu Afua lɛ he, ni eyɛ wala mli yɛ ŋwɛi beni enɛ ba lɛ, ni ena enɛ beni eyɔɔ ŋwɛi lɛ.

[Akrabatsa/Mfoniri ni yɔɔ baafa 23]

Ani Akpata Sodom kɛ Gomora Hiɛ Lɛɛlɛŋ?

Shitsaa nibii yeɔ nifeemɔ nɛɛ he odase.

Je lɛŋ yinɔsane tsĩɔ enɛ tã.

Yesu Kristo ma nifeemɔ nɛɛ nɔ mi, ni atsĩɔ nɔ ni tee nɔ lɛ tã yɛ Biblia lɛ mli woji srɔtoi 14 amli.

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje