Saamɔ Otsui

Wɔmiisumɔ ni nibii ni wɔkaseɔ yɛ Yehowa he yɛ Biblia lɛ mli lɛ ata wɔtsuiŋ. Ezra fee nɔkwɛmɔnɔ kpakpa yɛ enɛ mli. Biblia lɛ kɛɛ, “esaa etsui akɛ ebaakase Yehowa Mla lɛ.” (Ezr. 7:10) Te bo hu obaafee tɛŋŋ osaa otsui?

Sɔlemɔ. Kɛ́ oyaakase nii lɛ, sɔlemɔ kɛje shishi. Kpa Yehowa fai ni eye ebua bo ni onu nɔ ni oyaakase lɛ shishi ni okɛtsu nii.—Lala 119:​18, 34.

Ba ohe shi. Nyɔŋmɔ kɛ anɔkwale lɛ teɔ mɛi ni wóɔ amɛhe nɔ ni nuɔ he akɛ amɛbaanyɛ amɛnu Biblia lɛ shishi ni eyelikɛbuamɔ fataaa he lɛ. (Luka 10:21) Esaaa akɛ wɔkaseɔ nii kɛ jwɛŋmɔ lɛ akɛ wɔyaawie koni mɛi ana akɛ wɔle nii. Kɛ́ ookase nii ni ona tsakemɔi komɛi ni esa akɛ ofee lɛ, ba ohe shi ni ofee.

Bo asafo lɛ lalai lɛ eko toi. Lala náa wɔtsui lɛ nɔ hewalɛ waa. No hewɔ lɛ, kɛ́ oyaakase nii ni obo wɔlalai lɛ eko toi kɛje shishi lɛ, no baanyɛ aye abua bo ni okɛ ojwɛŋmɔ ama nɔ ni oyaakase yɛ Yehowa he lɛ nɔ waa, ni ebaata otsuiŋ.