Avan menm Jéova té péyé ranson-la, i té ja ka padonné moun

Sé enki pas Jézi bay vi a-y an ranson kè Jéova pé padonné péché an nou (Éféz. 1:7). Men mi sa Labib ka di : « Grasa pasyans a-y, [Bondyé] padonné péché moun té fè an tan lontan », kivédi avan Jézi té bay vi a-y an ranson (Wom. 3:25). Jéova, sé on Bondyé ki jis. Alò kijan i té pé padonné péché a moun alòskè Jézi poto’o bay vi a-y an ranson ?

Pou Jéova, dépi jou-la i di kè i té’é prévwa a on « désandan » pou sové limanité, sé konsi ranson-la té ja péyé (Jén. 3:15 ; 22:18). Bondyé té sèten a san pou san kè lè lè-la té’é rivé, Gason a-y té’é bay vi a-y an ranson é i té’é fè sa dètoukè (Gal. 4:4 ; Ébr. 10:7-10). Lèwvwè Jézi té asi latè, Bondyé ba-y pouvwa pou padonné péché a moun avan i té péyé ranson-la. Jézi té pé padonné moun ki té ni fwa adan Pap’a-y pas i té sav kè sakrifis-la i té kay fè la té’é péyé pou péché a yo (Mat. 9:2-6).