Lésé palé-la fè chimen a-y natirèlman

Ègzanp a Filip

VIDÉO : Filip é fonksyonnè étyopyen la

1. Gadé VIDÉO-la oben li Akt 8:30, 31. Aprésa réfléchi asi sé kèsyon-lasa :

1. Kijan Filip koumansé ti kozé-la ?

2. Poukwa nou pé di sa té natirèl, jan-la Filip koumansé ti kozé-la pou aprann misyé-la on biten anplis ?

Sa ègzanp a Filip ka aprann-vou

2. Pou moun-la santi-y alèz é pou i anvi palé èvè-w, lésé ti kozé-la fè chimen a-y natirèlman.

Pou imité Filip…

3. Pran tan òbsèwvé byen. Souvantfwa figi a moun-la oben jan a-y pé ba-w enfòwmasyon asi-y. Ès i ka sanmsa moun-la dakò pou palé èvè-w ? Si sé sa, pou menné ti kozé-la asi Bib-la, ou pé pozé on ti kèsyon tousenp ki ka koumansé konsa : « Ès ou té sav kè… ? » Si ou ka santi moun-la pa anvi kontinyé palé, pa fòsé-y.

4. Montré-w pasyan. Pa santi-w oblijé palé dè sa Labib ka di tousuit. Pisimé atann bon moman-la pou fè-y tou natirèlman. Pétèt défwa, sé adan ondòt ti kozé ou ké pé fè-y.

5. Fò ou paré adapté-w. É si moun-la ka palé dè ondòt biten ki sa ou té prévwa ? Adapté-w é palé dè on biten ki ka entérésé moun-la ; pa chèché rété asi sa ou té prévwa palé.