Palé é aji èvè bonté

Ègzanp a Jézi

VIDÉO : Jézi ka géri on avèg

1. Gadé VIDÉO-la oben li Jan 9:1-7. Aprésa réfléchi asi sé kèsyon-lasa :

1. Ka Jézi fè an prèmyé : i préché bon nouvèl-la ba boug-la, oben i géri-y ? (gadé Jan 9:35-38).

2. Davwa Jézi aji adan lòd-lasa, poukwa sa ba boug-la anvi kouté-y ?

Sa ègzanp a Jézi ka aprann-vou

2. Sa pi sèten on moun kouté-w, si i ka santi ou ka sousyé-w dè-y.

Pou imité Jézi...

3. Mété-w anplas a moun-la.

1. Mandé-w : Ka ki ka anbété-y ? Ka ki enpòwtan pou-y ? Ka i bizwen ? Si ou fè sa, sa ké pousé-w aji èvè jantiyès, é moun-la ké vwè ou sensè.

2. Lè ou ka pran tan kouté on moun byen, ou ka montré ou ni konsidérasyon pou sa ki enpòwtan pou-y. Si moun-la ka di-w sa i ka pansé oben i ka palé dè on pwoblèm i ka jwenn, pa chanjé sijé.

4. Palé èvè rèspé é bonté. Moun-la ké santi adan vwa a-w kè ou janti é kè ou anvi édé-y. Chwazi pawòl a-w byen é fè atansyon asi ki ton ou ka palé ba moun-la. Konsa ou sèten pawòl a-w pé ké blésé-y.

5. Pwopozé-y on pal. Ès moun-la bizwen ou fè on biten ba-y oben ou rann-li on sèwvis ? Si ou fè moun-la dibyen, i ké pi anvi palé èvè-w.