Psaume

96 Chanté roun nouvo chanté pou Jéova. Chanté pou Jéova, zòt tout ki ka rété asou latè-a ! 2 Chanté pou Jéova ; louwé so non. Touléjou, a pou zòt fè tout moun konnèt bon nouvèl délivrans i ka bay nou-a. 3 Fè tout nasyon-yan konnèt so laglwar, tout bèl bagaj i fè anmitan tout pèp-ya. 7 Bay Jéova laglwar i mérité-a, zòt, fanmi ké pèp, bay Jéova laglwar i mérité-a, pas i plen ké laglwar é i fò. 8 Bay Jéova laglwar so non mérité ; poté roun kado épi antré annan so lakou. 9 Mété zòt lenj ki sakré épi mété zòt kò ajounou douvan Jéova ; tranblé douvan li, zòt tout ki ka rété asou latè-a ! 10 Di tout nasyon-yan : « Jéova divini rwa ! Latè-a byen dibout koté i fika, anyen pa pouvé fè l’ boujé. I ké jijé moun-yan ké jistis. » 11 A pou syèl-a kontan, é a pou latè-a kontan ; a pou lanmè-a rélé ansanm ké tout sa ki annan l’ ; 12 a pou lakanpagn ké tout sa ki annan l’ kontan. É a pou pyébwa-ya annan danbwa rélé fòrs yé kontan, 13 a pou yé fè l’ douvan Jéova, pas i ka vini, i ka vini pou jijé latè-a. I ké jijé moun ki asou latè-a ké jistis, é pèp-ya ké so fidélité.