28 JWIYÉ – 3 OUT

PROVERBES 24

Kantik 38 ké lapriyè | Paròl pou koumansé (1 min)

BIJOU PARÒL BONDJÉ-A

1. A pou to vin pi fò anvan éprèv-ya vini

(10 min)

A pou to kontinyé travay pou to gen plis konésans ké sajès (Pr 24:5 ; it-2-F 563 § 4).

Fo to kontinyé tchenbé to bon labitid èspirityèl menmsi to dé bra kasé (Pr 24:10 ; w09-F 15/12 18 § 12-13).

Lò nou gen roun lafwa ké roun lanmou ki fò pou Jéova, sa ka idé nou géri lò éprèv-a fini (Pr 24:16 ; w20.12 15).

Roun sò ki gen roun maladi ki grav ka préché di kaz an kaz ké so zanmi. So tchò kontan. I ka montré roun madanm roun bagaj asou to tablèt.

2. Pépit èspirityèl-ya

(10 min)

Pr 24:27 : Kisa sa dolo-a ka anprann nou ? (w09-F 15/10 12).

To répons
Ki pépit zòt trapé annan lèktir Labib pou sa simenn-an ?

To répons

3. Lèktir Labib

(4 min) Pr 24:1-20 (th-F léson 11).

DIVINI PI VAYAN ANNAN PRÉDIKASYON-AN

4. Prémyé fwa to ka kozé ké moun-an

(2 min) TÉMWANYAJ ENFÒRMÈL. Kozé-a ka bout anvan to rivé bay roun témwanyaj (lmd léson 2 pwen 4).

5. Prémyé fwa to ka kozé ké moun-an

(3 min) DI KAZ AN KAZ (lmd léson 3 pwen 4).

6. Prémyé fwa to ka kozé ké moun-an

(3 min) TÉMWANYAJ PIBLIK. Di moun-an ki i pouvé gen roun léson biblik é bay li roun ti kart « léson biblik » (lmd léson 4 pwen 3).

7. Diskour

(3 min) lmd ròt enfòrmasyon ankò parti A, pwen 11. Tèm : Bondjé gen roun mésaj enpòrtan pou nou (th-F léson 6).

LAVI KRÉTYEN

Kantik 99

8. Annou bay nou konpanyen anba bra lò nou gen éprèv

(15 min). Kozman.

Roun épidémi, roun katastròf natirèl, moun ki ka lévé kont léta, roun lagèr, ouben roun pèrsékisyon pouvé vini blip konsa. Lò malò ka tonbé, krétyen ki anba sa éprèv-ya ka bay yé konpanyen anba bra. Yé ka idé ké ankourajé yé konpanyen. Mé menmsi nou pa annan sa éprèv-ya nou ka santi doulò nou frè ké sò, é nou ka fè tousa nou pouvé pou idé yé (1Co 12:25, 26).

Plizyèr zimaj frè ké sò ki ka bay yé konpanyen anba bra. 1. Frè ké sò ka roukonstrwi roun Lasal di rwayonm ki té krazé akoz di roun katastròf natirèl. 2. Ké lanmou, frè ké sò ka rousouvwè roun manman ké so tifi ki té divèt chapé di yé péyi pou sové yé lavi. 3. Roun sò ka mété soumaké annan bwèt pou fè ofrann annan Lasal di rwayonm-an. 4. Douvan Lasal di rwayonm-an, frè ké sò ka bay yé konpanyen ki té divèt chapé di yé péyi sa yé bézwen pou viv. 5. Volontèr ka bay plizyèr boutèy dlo. 6. Roun frè ka priyè.

Li 1 Rois 13:6 ké Jacques 5:16b. Apré sa, doumandé moun-yan :

Poukisa lapriyè roun sèrvitèr Bondjé pou ròt moun « a roun bagaj ki pwisan » ?

To répons

Li Marc 12:42-44 ké 2 Corinthiens 8:1-4. Apré sa, doumandé moun-yan :

Menmsi nou pa gen bokou soumaké é ki sa nou pouvé bay pou idé nou frè ké sò asou tout latè-a a pa gran kichoz, poukisa nou pouvé bay kanmenm ?

To répons

Montré VIDÉYO-a Yé ka idé yé frè ké sò-ya. Apré sa, doumandé moun-yan :

Paské yé kontan yé frè ké sò, ki sakrifis frè-ya fè pou idé yé frè ké sò ki ka rété annan roun koté yé ka défann nou adoré Jéova ?

To répons
Menmsi yé té ka défann yé adoré Jéova, kouman frè ké sò-ya kontinyé alé annan réinyon-yan épi ankourajé yé konpanyen kou Jéova ka doumandé l’ ? (Hé 10:24, 25).

To répons