Proverbes

18 Sa-la ki lé rété li rounso annan so kwen ka gadé yenki pou so douvan lèstomak ; i ka réfizé fè sa ki bon pou li. 2 Roun moun ki sòt pa ka chaché konprann anyen, i pa kontan sa ; i préféré di sa ki séré annan so tchò. 4 Paròl roun moun, a dlo ki fon. Sours sajès-a, a roun ti larivyè ki ka jité bokou dlo. 10 Non Jéova-a, a roun kaz byen dibout. Moun-an ki jis-a ka kouri séré anba l’ é ka jwenn protèksyon. 11 Lò roun moun rich gen soumaké, pou li a roun vil ki fò, byen protéjé ; annan so lidé, a kou roun gran mir solid ki ka protéjé l’. 13 Lò roun moun ka pran parti annan roun bagaj anvan menm i tandé sa ki pasé, a roun moun ki sòt é a roun ronté pou li. 15 Tchò moun entélijan-an ka trapé konésans-a, é zorè moun saj-a ka chaché gen konésans-a. 17 Prémyé moun-an ki ka rakonté sopa vèrsyon di sa ki pasé, a li ki sanblé gen rézon, jiktan ròt moun-an rivé épi ka doumandé l’ bay prèv di sa i ka di. 18 Lò yé ka fè tiraj osòr, sa ka tchwé tout babyé, é sa ka partajé dé lèlmi ki fò. 19 Roun frè yé fè lapenn pi rèd pasé roun vil fòrtifyé, i gen blo ki kou bar yé ka mété asou lapòt roun kaz yé byen protéjé. 21 Lang roun moun pouvé tchwé é i pouvé bay lavi ; sa-ya ki kontan itilizé l’ ké divèt asèpté konsékans-ya. 22 Sa-la ki ka trouvé roun bon madanm, a roun trézòr i trapé, é i ka ganyen favèr Jéova-a. 24 I gen zanmi ki paré pou krazé yé konpanyen, mé i gen zanmi ki pi fidèl pasé roun frè.