Matthieu

12 Jézi antré annan Tanp-a é i mété tout sa-ya ki té vini pou vandé ouben pou achté dèrò. I chalviré tab sa-ya ki té ka chanjé soumaké épi ban sa-ya ki té ka vandé kolonm. 13 É i di yé : « Men sa ki marké : “Yé ké aplé mo kaz roun kaz koté moun ka priyè”, mé zòt fè l’ divini roun koté plen ké volèr. » 14 Annan Tanp-a, moun ki té avèg ké moun ki té ka bwété vini òbò li, é i géri yé. 16 é yé di Jézi : « To pa ka tandé sa yé ka di ? » Jézi réponn yé : « Wi. Ès zòt pa jen li sa : “To fè bouch timoun-yan ké ti bébé-ya bay to louwanj” ? » 19 I wè roun pyé fig òbò larout-a, é i alé òbò li, mé a féy rounso i trapé asou li. I di li : « To pa ké janmen bay frwi ankò ! » é lanmenm pyé fig-a vin sèk. 20 Lò disip-ya wè sa, yé rété èstébékwé é yé di : « Kouman sa pyé fig-a fè pou i vini sèk vitman konsa ? 21 Jézi réponn yé : « Wi, mo ka di zòt sa, si zòt gen lafwa é zòt pa ka douté, a pa sa mo fè pyé fig-a zòt ké fè rounso. Mé menmsi zòt ka di sa montangn-an : “Lévé épi tonbé annan lanmè-a”, sa ké fèt. 22 É tousa zòt ka doumandé annan lapriyè ké lafwa, zòt ké rousouvwè l’. »