Luc

33 Lò yé rivé annan koté yé ka aplé Krann, sòlda-ya klouwé l’ asou poto-a, ké roun bandi asou so drèt ké rounòt asou so goch. 34 Mé Jézi té ka di : « Papa, pardonnen yé, paské yé pa savé sa yé ka fè. » Anplis di sa, yé tiré o sòr pou partajé so lenj ant yé. 39 Apré sa, roun annan bandi-ya yé té maré asou roun poto òbò li koumansé jouré l’ : « A pa to ki Kris non ? Alòr sové to kò to menm, é nou menm osi ! » 40 Mé ròt-a té ka babyé li, i té ka di li : « Ès to pa ka krenn Bondjé menm, alòr ki to ka rousouvwè menm pinisyon-an ? 41 Pou nou menm sa bagaj-a jis, paské nou ka rousouvwè sa nou mérité pou tout bagaj nou fè. Mé sa mouché-a pa fè anyen ki mové. 42 Épi i di : « Jézi, sonjé mo lò to ké vini annan to rwayonm. » 43 É Jézi réponn li : « Vréman mo ka di to sa jòdla, to ké la ké mo annan paradi-a. » 46 Jézi rélé byen fò : « Papa, a annan to lanmen mo ka lésé mo lèspri. » É apré i di sa, i mouri.