Jean

9 Kou i té ka pasé, i wè roun wonm ki té avèg dipi i fèt. 2 Épi so disip doumandé l’ : « Rabi, kimoun ki péché pou i fèt avèg ? Ès a sa wonm-an ouben so papa ké so manman ? » 3 Jézi réponn : « A pa ni sa wonm-an ni so papa ké so manman ki péché, mé so sitiasyon ké pèrmèt tout moun wè sa Bondjé pouvé fè. 4 Nou divèt fè travay Sa-la ki voyé mo-a pannan i ka fè jou ; lannwit-a ka vini, é pèsonn pa pouvé travay lannwit. 5 Pannan tout tan-an mo annan monn-an, mo sa limyèr monn-an. » 6 Lò i fini di sa bagaj-ya, i kraché atè, i fè roun tibi labou ké so kracha épi i mété l’ asou wéy wonm-an, 7 é i di li : « Alé lavé annan pisin Siloé » (roun mo ki lé di « voyé »). I alé épi i lavé, é lò i rouvini i té ka wè klè. 35 Jézi vin savé ki farizyen-yan té mété mouché-a dèro. É lò i rouwè l’, i doumandé l’ : « Ès to gen lafwa annan Pitit wonm-an ? » 36 Mouché-a réponn li : « Mé Sényèr, di mo a kimoun, pou mo gen lafwa annan li ? » 37 Jézi di li : « To ja wè l’. A li menm ki ka palé ké to wi. » 38 Mouché-a di : « Wi, Sényèr, mo gen lafwa annan li. » É i kroubé douvan li.