Marc

19 Mé Jézi pa lésé l’ vini. I di l’ : « Routounen an to kaz, koté to fanmi, é rakonté yé tousa Jéova fè pou to é kouman i pran pityé pou to. » 25 I té gen roun madanm ki té ka pédi disan dipi 12 lannen. 26 I té soufri bokou an lanmen roun patché dòktèr i té ja alé wè é i té dépansé tout so soumaké san i pa trapé pyès soulajman. Mé olyé di sa, i té pi mal ankò. 27 Lò i anprann sa yé té ka di asou Jézi, i vin pa dèyè so do anmitan patché moun-yan ki té la épi i touché so lenj, 28 pas i té ka di annan so tchò : « Si a so lenj rounso mo ka touché, mo ké géri. » 29 É lanmenm, disan-an arété koulé é i santi ki vyé maladi-a ki té ka fè l’ soufri té disparèt. 30 Jézi konprann lanmenm ki roun fòrs té soti annan li. I tounen so kò anmitan patché moun-yan ki té la épi i doumandé : « Kimoun ki touché mo lenj ? » 31 So disip-ya réponn li : « To ka wè tousa moun òbò to, é to ka doumandé kimoun ki touché to ? » 32 Mé i té ka gadé toupatou pou wè kimoun ki té fè sa. 33 Madanm-an té ka tranblé fòrs i té pè pas i té savé sa ki té rivé l’, i vini é i jité so kò ajounou douvan pyé Jézi épi i di li tout lavérité. 34 Jézi di li : « Mo tifi, to lafwa géri to. To pouvé alé ké lapè annan to tchò, to géri di maladi-a ki té ka fè to soufri. » 35 Jézi té ka palé toujou lò dé mouché rivé koté prézidan sinagòg-a, é yé di : « To tifi mouri ! Poukisa to ka déranjé Ansényan-an ankò ? » 36 Mé Jézi tandé sa yé té ka di, é i di prézidan sinagòg-a : « Pa pè. Yenki montré to gen lafwa. » 41 I tchenbé lanmen timoun-an é i di li : « Talita koumi », sa lé di : « Tifi, lévé ! »