Jean

11 Roun mouché yé té ka aplé Lazar té malad ; a té roun moun Bétani, vilaj Mari ké so sò Mart. 2 Mari, a té madanm-an ki té vidé dilwil ka santi bon asou Sényèr-a é ki té swiyé so pyé ké so chivé ; a so frè Lazar ki té malad. 3 Donk sò-ya voyé sa mésaj-a pou Jézi : « Kouté Sényèr, sa-la to kontan-an, i malad. » 4 Mé lò Jézi anprann sa, i di : « Sa maladi-a pa la pou tchwé l’, mé a pou bay Bondjé laglwar, pou yé glorifyé Pitit Bondjé-a grasa sa. » 5 Jézi té kontan Mart ké so sò ké Lazar. 11 Apré i fin di sa bagaj-ya, i di osi : « Nou zanmi Lazar pran somèy, mé mo ka alé laba pou lévé l’ di so somèy. » 12 Alòr disip-ya di li : « Sényèr, si i ka dronmi, i ké géri. » 13 Pourtan, Jézi té ka palé di so lanmò. Mé yé té konprann di ki i té lé di ki Lazar té ka dronmi, ki i té ka pozé so kò. 14 Alòr Jézi di yé : « Lazar mouri, 21 Alòr Mart di Jézi : « Sényèr, si to té la sa jou-a, mo frè pa té ké mouri. 22 Magré sa, menm aprézan, mo savé ki tousa to ké doumandé Bondjé, Bondjé ké bay to l’. » 23 Jézi di li : « To frè ké résisité. » 24 Mart di li : « Mo savé i ké résisité lò rézirèksyon-an ké fèt dèrnyé jou-a. » 25 Jézi di li : « Mo sa rézirèksyon-an ké lavi. Sa-la ki ka montré i gen lafwa annan mo, menmsi i ka mouri, i ké rouviv ; 26 tout moun ki ka viv é ki ka montré yé lafwa annan mo pa ké mouri pyès, non janmen. Ès to ka krè sa ? 32 Lò Mari rivé koté Jézi té fika é lò i wè l’, i tonbé ajounou douvan so pyé é i di li : « Sényèr, si to té la sa jou-a, mo frè pa té ké mouri. » 33 Lò Jézi wè ki Mari té ka pléré é ki Jwif-ya ki té vin ké li té ka pléré osi, i jémi é i vin gen lapenn annan so tchò ; 34 I di : « Ki koté zòt mété l’ ? » Yé di li : « Sényèr, vini wè. » 35 Alòr dlo koumansé soti annan wéy Jézi. 36 Jwif-ya koumansé di : « Gadé kouman i té kontan li ! » 38 Jézi jémi ankò, é apré sa, i alé koté tonm-an té fika. A té roun gro trou ròch ki té bouché ké roun gro ròch. 39 Jézi di : « Tiré ròch-a. » Mart, sò défen-an, di li : « Sényèr, i dèt ja ka santi, paské sa ka fè kat jou déja. » 40 Jézi di li : « Ès mo pa di to ki si to ka krè to ké wè laglwar Bondjé ? » 41 Épi yé mété ròch-a asou koté. Jézi lévé so wéy, i gadé laro syèl-a épi i di : « Papa, mo ka di to mèrsi paské to tandé mo. 42 A vré, mo té savé to toujou ka tandé mo, mé a pou moun-yan ki dibout la mo palé, pou yé pouvé krè ki a to ki voyé mo. » 43 Apré i fin di sa bagaj-ya, i rélé byen fò : « Lazar, soti dèrò ! » 44 Mouché-a ki té mouri soti dèrò, so pyé ké so lanmen té maré ké bann twèl, é so vizaj té vlopé ké roun moso létòf. Jézi di yé : « Démaré l’ épi lésé l’ alé. » 45 Atò, patché Jwif annan sa-ya ki té vini wè Mari, é ki té wè sa i té fè, mété yé lafwa annan li, 46 mé sèrten annan yé alé wè farizyen-yan pou di yé sa Jézi té fè. 47 Chèf prèt-ya ké farizyen-yan rasanblé Sanédren-an épi yé di : « Kisa nou divèt fè, paské sa mouché-a ka fè patché mirak ?