1 Timothée

2 pou Timoté, mo vré timoun annan lafwa : A pou Bondjé, Papa-a, ké Jézi Kris nou Sényèr, bay to favèr Bondjé nou pa mérité-a, mizérikòrd ké lapè ! 3 Menm fason mo ankourajé to lò mo té k’alé pou pati Masédwann, mo ka ankourajé to rété Éfèz pou to bay sèrten moun lòrd pa ansényé rounòt bagaj 4 ni kouté istwè ki pa vré ké réchèrch moun ka fè asou non yé gangan. Sa bagaj-ya initil ; yé ka fè moun sipozé bagaj san yé pa gen pyès prèv pasé yé di roun bagaj ki ka vini di Bondjé é ki ka fè lafwa moun vin pi fò. 5 Òbjèktif sa lòrd-a, a roun lanmou ki ka soti di roun tchò pròp, di roun bon konsyans é di roun lafwa ki pa ipokrit. 11 ki ka alé ké bon nouvèl plen ké laglwar yé bay mo-a, bon nouvèl ki ka vini di Bondjé ki éré-a. 12 Mo gen rékonésans pas Jézi Kris nou Sényèr, li ki bay mo pwisans, trouvé ki mo té fidèl, a pou sa i chwazi mo pou fè so travay, 13 menmsi anvan mo pa té gen rèspè pou bagaj ki sakré, mo té ka pèrsékité moun é mo té ensolan. Mé Bondjé pardonnen mo paské mo pa té savé sa mo té ka fè é paské mo pa té gen lafwa. 14 Mé mo rousouvwè favèr nou Sényèr nou pa mérité-a pi bokou ankò, mé osi lafwa ké lanmou ki annan Jézi Kris. 15 Nou pouvé vréman fè sa paròl-a konfyans é i mérité nou asèpté tousa ki annan l’ : Jézi Kris vini annan monn-an pou sové moun ki ka fè péché. Annan yé, a mo ki prémyé. 17 A pou sa-la ki Rwa pou tout-tan, sa-la nou pa pouvé wè-a, sa-la ki sa sèl Bondjé-a, rousouvwè lònò ké laglwar pou tout-tan. Anmèn. 18 Mo ka bay to sa konsèy-a, Timoté mo pitit, soulon profési yé di asou to, pou to pouvé kontinyé bèl konba-a grasa yé, 19 toupannan to ka kontinyé gen lafwa ké roun bon konsyans, konsyans roun ran moun rijété, é akoz di sa yé lafwa chalviré.