2 Chroniques

12 O nou Bondjé, ès to pa ké pini yé ? Paské nou pa gen pwisans douvan sa lavolé moun-an ki ka vini pou ataké nou ; é nou pa savé kisa pou nou fè, mé a to nou wéy ka gadé. 15 Jaazyèl di : « Zòt tout ki ka rété Jida ké Jérizalèm, é to, rwa Jozafa, a pou zòt byen kouté ! Men sa Jéova ka di zòt : “Pa pè épi pa lésé latranblad pran zòt akoz di sa patché moun-yan ki la, paské sa lagèr-a, a pa zòt lagèr, a lagèr Bondjé. . 17 Zòt pa ké gen pou briga. Mété zòt kò la, pa boujé é wè kouman Jéova ké aji pou sové zòt. O Jida ké Jérizalèm, a pa pou zòt pè é a pa pou zòt afolé. Dimen, soti pou alé jwenn yé é Jéova ké la ké zòt.” » 20 Landimen-an, yé lévé bònò é yé soti pou alé annan dézèr Tékoa. Toupannan yé té ka soti, Jozafa mété so kò douvan yé é i di : « Kouté mo, o Jida, é zòt menm osi, moun Jérizalèm ! A pou zòt gen lafwa annan Jéova zòt Bondjé pou zòt pouvé tchenbé rèd. A pou zòt gen lafwa annan so profèt-ya, é tout bagaj ké alé byen pou zòt. »