Ecclésiaste

5 Lò to ka alé annan kaz vré Bondjé-a, tchenbé to kò ; simyé to alé la pou kouté pasé to fè sakrifis kou moun sòt ka fè. Pas sa moun-yan pa ka wè ki sa yé ka fè pa bon. 2 Pa kouri palé é pa lésé to tchò palé douvan vré Bondjé-a san to réfléchi anvan ; pas vré Bondjé-a, a annan syèl-a i fika, mé to menm to asou latè-a. A pou sa to pa divèt palé bokou. 4 Lò to ka promèt Bondjé to ké fè roun bagaj, pa pran tan pou to fè sa to di, pas i pa kontan moun ki sòt. Lò to ka fè roun vé, rèspèkté sa vé-a. 5 Miyò to pa fè pyès vé pasé to fè roun é to pa ka tchenbé l’. 6 Pa lésé to bouch fè to péché, épi pa alé di douvan zanj-a ki to tronpé. Poukisa to té ké fè vré Bondjé-a kòlè akoz di sa to ka di ? A krazé i té ké krazé sa to fè ké to dé lanmen. 8 Si to ka wè ki, koté to ka rété-a, yé ka malmennen maléré-a é yé pa ka fè sa ki drèt ké sa ki jis, a pa pou to rété èstébékwé. Paské lò roun moun chèf, i gen roun moun ki pi rot pasé li ka véyé sa i ka fè, é i gen ròt ankò ki pi rot pasé sa dé-ya. 12 Roun sèrvitèr ka dronmi chwit, ki i manjé roun tibi ouben bokou, mé lò roun moun rich, patché bagaj i gen ka anpéché l’ dronmi. 18 Men sa mo wè : A roun bon bagaj lò roun moun ka manjé, ka bwè é ka pran plézi annan tout travay rèd i ka fè anba solèy-a pannan ti tan-an vré Bondjé-a bay li pou viv, a sa ki sa so rékonpans. 19 Épi osi, lò vré Bondjé-a ka bay roun moun richès ké ròt bagaj épi i ka pèrmèt li profité di tousa, a pou sa moun-an pran so rékonpans é a pou i kontan pou travay rèd i fè-a. A roun kado di Bondjé. 20 Paské i pa menm ké wè tan-an ki ka pasé, pas vré Bondjé-a ka plen so tchò ké lajwa.