Jean

14 « Pa lésé anyen fè zòt tchò enkyèt. Montré zòt gen lafwa annan Bondjé, é montré zòt gen lafwa annan mo osi. 2 Annan kaz mo Papa, i gen roun patché koté pou rété. Si a pa té sa, mo té ké di zòt. Mo ka alé préparé roun plas pou zòt. 3 Anplis di sa, lò mo ké pati pou préparé roun plas pou zòt, mo ké rouvini é mo ké rousouvwè zòt koté mo, pou zòt menm osi zòt la ké mo koté mo fika. 6 Jézi réponn li : « Mo sa chimen-an, lavérité ké lavi. Pyès moun pa pouvé alé òbò Papa-a san mo. 9 Jézi di li : « Filip magré tousa tan mo té la ké zòt, jis aprézan to pa konnèt mo ? Moun-an ki wè mo, wè Papa-a osi. Kouman to ka doumandé mo : “Montré nou Papa-a” ? 10 Ès to pa krè ki mo ansanm ké Papa-a é ki Papa-a ansanm ké mo ? Sa mo ka di zòt pa soti annan mo lidé ; mé a Papa-a, ki ka rété ansanm ké mo, ki ka fè so travay. 12 Wi, sa mo ka di zòt, a lavérité : sa-la ki ka montré so lafwa pou mo ké fè travay mo ka fè osi ; é i ké fè travay ki pi gran ki sa mo fè, paské mo ka alé koté Papa-a. 13 Anplis di sa, tousa zòt ké doumandé an mo non, mo ké fè l’, pou Papa-a glorifyé grasa Pitit-a. 14 Si zòt ka doumandé roun bagaj an mo non, mo ké fè l’. 15 « Si zòt kontan mo, zòt ké obéyi mo koumannman. 21 Sa-la ki ka asèpté mo koumannman é ki ka obéyi sa koumannman-yan, a li ki kontan mo. É sa-la ki kontan mo, mo Papa ké kontan l’, é mo menm mo ké kontan l’ é mo ké fè li wè mo roun fason ki klè. 23 Jézi réponn li : « Si roun moun kontan mo, i ké obéyi mo paròl, é mo Papa ké kontan l’, é nou ké vini koté li é nou ké rété ké li. 26 Mé asistan-an, lèspri sen Papa-a ké voyé annan mo non, sa-la-a ké anprann zòt tout bagaj é i ké fè zòt sonjé tout bagaj mo di zòt. 27 Mo ka lésé lapè pou zòt ; mo ka bay zòt mo lapè. Mo pa ka bay zòt li kou monn-an ka bay li. A pa pou zòt tchò ni enkyèt ni pran pè. 28 Zòt tandé mo di zòt : “Mo ka alé épi mo ké rouvini koté zòt.” Si zòt té kontan mo, zòt té ké kontan savé ki mo ka alé koté Papa-a, paské Papa-a pi gran pasé mo. 30 Mo pa ké palé bokou ké zòt ankò, paské chèf monn-an ka vini ; mé i pa gen pyès pouvwar asou mo. 31 Mé, pou tout moun savé ki mo kontan Papa-a, sa Papa-a ka di mo fè, a sa mo ka fè. Lévé, annou alé.