1 Samuel

2 I té gen dé madanm : roun a té Ann, ròt-a a té Penina. Penina té gen timoun, mé Ann li menm pa té gen timoun. 6 Épi Pénina, ròt madanm Èlkana-a, chaché fè li méchansté. I pa té ka las ari di so tèt paské Jéova pa té bay li timoun. 7 A sa i té ka fè chak lannen : chak kou Ann té ka monté pou alé annan kaz Jéova-a, so lèlmi té ka ari di so tèt, é Ann té ka kriyé é i pa té ka manjé. 8 Alòr so mari, Èlkana, di li : « Ann, poukisa to ka pléré é poukisa to pa ka manjé ? Poukisa to gen lapenn konsa ? Ès mo pa gen plis valò pou to pasé dis garson ? 10 Ann té tris pou mouri. I koumansé priyè Jéova é i té ka pléré san i pa té pouvé arété. 11 I fè sa promès-a : « O Jéova chèf larmé-ya, gadé kouman mo ka soufri. Si to ka sonjé mo, mo ki sa to sèrvitèr, si to pa ka bliyé mo é si to ka bay mo roun garson, mo ké bay to l’, Jéova, pou i sèrvi to pannan tout so lavi, é razwar-a pa ké pasé asou so tèt. 12 Sa té ka fè roun bon moman i té ka priyè Jéova. Pannan sa tan-an, Éli té ka gadé so bouch. 14 I di li : « Konmyen tan ankò to ké sou konsa ? Arété bwè diven. » 15 Ann réponn li : « Non, mo sényèr ! Mo sa roun fanm ki gen bokou lapenn ; mo pa bwè ni diven ni pyès ròt bagaj ki gen alkòl annan, mé mo ka di Jéova tousa ki asou mo tchò. 16 Pa pran mo pou roun bonnaryen ; a lapenn ké gro chagren mo gen ki fè si mo priyè lontan konsa. » 17 Alòr Éli di li : « Alé an pè, é a pou Bondjé Israyèl-a bay to sa to doumandé-a. » 18 É i di li : « Mèrsi paské to aji ké bonté ké to sèrvant. » Apré sa i pati, i manjé é so vizaj pa té tris ankò. 20 Pannan sa lannen-an, Ann tonbé ansent é i fè roun garson, i aplé l’ Samiyèl, paské i té ka di : « A Jéova mo doumandé l’ ». 27 A té pou mo gen sa tibolonm-an mo té ka priyè, é Jéova bay mo sa mo té ka doumandé. 28 A pou sa, mo ka prété Jéova sa tibolonm-an. Pannan tout so lavi, i ké di Jéova. » Atò, Èlkana mété so kò ajounou douvan Jéova.