Esdras

1 Annan prémyé lannen rwa Pèrs-a, Siris, Jéova fè Siris, rwa Pèrs-a, voyé roun mésaj annan tout so rwayonm, pou paròl Jéova té bay Jérémi té fèt. I fè yé marké sa mésaj-a osi. Men sa mésaj-a té ka di : 2 « Men sa rwa Pèrs-a, Siris, ka di : “Jéova, Bondjé-a ki laro syèl-a, bay mo tout rwayonm-yan asou latè-a é i doumandé mo fè roun kaz pou li Jérizalèm, annan péyi Jida. 3 Kimoun annan zòt ka fè parti di so pèp ? A pou yé Bondjé béni yé é a pou yé monté Jérizalèm ki annan péyi Jida, é a pou yé roufè kaz Jéova, Bondjé Israyèl-a — a vré Bondjé-a —, so kaz ki té Jérizalèm. 4 Sa-la ki ka rété annan péyi-a é ki sa roun étranjé, kèlkéswa koté i fika, a pou so vwazen idé li é a pou yé bay li arjan ké lò, zannimo ké tout kalité bagaj, épi ofrann i lé bay pou kaz vré Bondjé-a ki té annan vil Jérizalèm.” »