2 Pierre

3 Pou koumansé, a pou zòt savé ki pannan dèrnyé jou-ya, i ké gen moun ki ké ari zòt, ki ké fè sa yé anvi fè 4 é yé ké di : « I té promèt i té ké la, koté i fika ? Dipi jou nou gangan pran somèy annan lanmò, tout bagaj ka rété èkzaktéman kou yé té fika o koumansman kréyasyon-an ! » 6 é a ké sa bagaj-ya Bondjé détrwi monn sa lépòk-a, i néyé l’ anba dlo. 7 É sa menm paròl-a ka fè ki syèl-a ké latè-a nou konnèt jòdla gen pou alé annan difé, é yé ké la jiktan Bondjé jijé yé, jiktan i détrwi sa-ya ki pa ka rèspèkté l’. 8 Mé zòt mo byen kontan, pa bliyé sa : pou Jéova, roun jou kou mil lannen, é mil lannen kou roun jou. 9 Jéova pa ka pran tan pou fè sa i promèt, kou sèrten ka pansé, mé i ka pran pasyans ké zòt, paské i pa lé rounsèl moun mouri, mé i lé tout moun répanti. 10 Mé jou Jéova-a ké vini kou roun volèr, é sa jou-a syèl-a ké disparèt rounsèl kou, mé tout bagaj ki divini cho menm ké fonn, épi latè-a, ké sa moun ka fè asou l’, tousa ké vin byen klè pou tout moun wè sa ka pasé. 11 Kou tout sa bagaj-ya gen pou disparèt, réfléchi asou ki kalité moun zòt divèt sa, dé moun ki gen roun konpòrtman ki sen é ki ka fè bagaj ki ka montré ki yé lé kontinyé adoré Bondjé, 12 Toupannan zòt ka antann é zòt toujou ka gardé prézans jou Jéova-a annan zòt lèspri. Pannan sa jou-a, syèl-a ké fini nèt annan flanm difé-ya é bagaj-ya ké fonn afòrs chalò-a ké boulé yé ! 13 Mé soulon sa i promèt nou, nou ka antann roun nouvo syèl ké roun nouvo latè, é annan yé i ké gen lajistis. 14 A pou sa, zòt mo kontan-an, kou zòt ka antann sa bagaj-ya, fè tousa zòt pouvé pou i trouvé zòt san pyès tach, san pyès défo é annan lapè. 15 É a pou zòt konprann ki pasyans nou Sényèr ka pran ké nou ka sové nou, kou nou frè Pòl nou kontan ékri l’ pou zòt osi, soulon sajès Bondjé bay li, 16 pis i ka palé di sa bagaj-ya annan tout so lèt. Mé, i gen bagaj ki rèd pou konprann. Moun ki pa konnèt anyen é ki pa byen dibout ka défòrmé sa bagaj-ya, kou yé ka fè l’ ké larèstan Ékritir-ya. A yé menm ka chaché yé pròp lanmò. 17 Donk, zòt mo kontan-an, zòt ki savé sa alavans, a pou zòt panga, pou moun ki kont lalwa pa ralé zòt ansanm ké yé é pou zòt rété byen dibout.