Juges

4 Apré sa, i vin kontan roun fanm ki té ka rété annan roun koté yé ka aplé Sorèk, a té roun savann anmitan dé montangn. Yé té ka aplé sa madanm-an Dalila. 17 Finalman, i louvri so tchò pou li é i di li : « Yé pa janmen razé mo tèt, paské dipi mo fèt, mo sa roun naziréyen pou Bondjé. Si yé ka razé mo tèt, mo pa ké gen fòrs ankò, mo ké vin fèb é mo ké kou tout ròt wonm-yan. » 25 Kou yé tchò té kontan, yé di : « Fè Sanson vini pou i fè nou ari. » Alòr yé fè Sanson soti di lajòl-a pou i fè yé ari. Yé mété l’ anmitan kolonn-yan. 28 Atò, Sanson sipliyé Jéova : « Souvéren Sényèr Jéova, sonjé mo souplé, é bay mo fòrs, souplé, sa kou-a rounso, o Bondjé ! É fè mo pran mo vanjans asou Filisten-yan pou roun annan mo dé wéy. » 29 Alòr Sanson apiyé so kò asou dé kolonn-yan ki té anmitan é ki té ka tchenbé tanp-a ; i mété so lanmen drèt asou roun kolonn épi i mété so lanmen goch asou ròt-a. 30 Sanson rélé : « Fè mo mouri ké Filisten-yan ! » I pousé kolonn-yan ké tout so fòrs épi tanp-a tonbé asou sényèr-ya ké tout moun ki té la. A konsa i tchwé plis moun lò i mouri pasé lò i té vivan.