2 Chroniques

16 Alòr yé antéré l’ ké rwa-ya annan Vil David, paské i té fè bon bagaj pou vré Bondjé-a ké so tanp, annan péyi Israyèl. 17 Lò Joad mouri, prens Jida-ya vin kroubé douvan rwa-a, é rwa-a kouté yé. 18 Yé lésé tanp Jéova-a, Bondjé yé gangan, é yé koumansé adoré poto sakré-ya ké zidòl-ya ; a pou sa Bondjé vin kòlè kont Jida épi kont Jérizalèm, akoz di yé péché. 19 I té ka voyé profèt bay yé pou fè yé rouvini òbò Jéova ; sa profèt-ya té ka avèrti yé, mé yé pa té lé kouté. 24 Pourtan, i pa té gen bokou sòlda annan larmé siryen-an ki té antré annan péyi-a, mé Jéova idé li ganyen asou roun gran larmé, paské pèp-a té lésé Jéova, Bondjé yé gangan. A konsa yé pini Joas. 25 Lò yé roupati (paské yé lésé li la byen blésé), so pròp sèrvitèr fè roun konplo kont li paské i té tchwé pitit prèt Joad. Yé tchwé l’ asou so lit. A konsa i mouri. Alòr yé antéré l’ annan Vil David, mé yé pa mété l’ annan tonm rwa-ya.