Jérémie

5 Men sa Jéova ka di : « A pou malédiksyon tonbé asou moun-an ki ka fè moun kou li menm konfyans, ki ka konté asou fòrs moun kou li menm gen é ki ka viré do bay Jéova. 7 Moun-an ki ka fè Jéova konfyans é ki ka mété so èspwar annan li ka trapé bénédiksyon. 8 I ké divini kou roun pyébwa ki planté òbò dlo-a, ki ka lonjé so rasin jik annan ti larivyè-a. I pa ké santi lò chalò-a ké vini, mé so féy ké toujou rété bèl. Pannan lannen i pa ké gen lapli, i pa ké enkyèt é i pa ké janmen arété bay frwi. 9 Tchò-a pi trèt pasé pyès ròt bagaj é i byen désidé. Kimoun ki pouvé konnèt li ? 10 Mo, Jéova, mo ka byen gadé ofon tchò moun, tousa yé ka séré ofon yé tchò, pou mo bay chak moun sa i ka mérité soulon so konpòrtman ké sa i ka fè.