Révélation

21 É mo wè roun nouvo syèl ké roun nouvo latè, paské ansyen syèl-a ké ansyen latè-a té disparèt é lanmè-a pa té la ankò. 2 Mo wè vil-a ki sen osi, Nouvo Jérizalèm-an ki té òbò Bondjé, ka désann di syèl-a, i té tou jòlòt kou roun lamaryé ki paré so kò pou so mouché. 3 Alòr mo tandé roun vwa ki té ka palé fò ki té ka vini di tronn-an é ki té ka di : « Gadé ! Tant Bondjé-a, a ké moun-yan i fika, é Bondjé ké rété ké yé, é yé ké sa so pèp. É Bondjé li menm ké la ké yé. 4 É i ké swiyé tout dlo di yé wéy, é i pa ké gen lanmò ankò ; i pa ké gen ni dèy, ni rélé, ni doulò ankò. Tout vyé bagaj disparèt. » 5 É sa-la ki asiz asou tronn-an di : « Gadé ! Mo ka fè tout bagaj vin nòv. » Épi i di osi : « Ékri sa, paské to pouvé krè sa paròl-ya é yé vré. » 6 Épi i di mo  : « Yé fèt ! Mo sa Alfa-a ké Oméga-a, koumansman-an ké lafen-an. Mo ké bay tout sa ki swèf dlo san yé pa bézwen péyé, dlo ki ka vini di sours dlo lavi-a. 8 Mé sa-ya ki kapon, moun ki pa gen pyès lafwa, sa-ya ki dégoutan ké yé malpròpté, sa-ya ki ka tchwé moun, sa-ya ki ka fè bagaj sèksyèl malpròp, sa-ya yé lanmen sal, sa-ya ki ka adoré zidòl épi tout kalité mantò, a annan lak difé ké souf yé ké alé. Sa lak-a, a dézyèm lanmò-a. » 14 Épi fondasyon miray vil-a, a té 12 ròch osi, é asou sa ròch-ya i té gen 12 non, non 12 apot Timouton-an. 22 Mo pa wè pyès tanp annan vil-a, paské Jéova Bondjé Tou-Pwisan-an sa so tanp, é Timouton-an osi. 23 É i pa bézwen ni solèy ni lalin pou kléré l’, paské laglwar Bondjé ka kléré l’ é so lalanp, a Timouton-an.