1 Corinthiens

3 paské a zòt lachè ki ka mennen zòt toujou. A vré, kou a jalouzi ké blo i gen koté zòt, ès sa pa ka montré ki a zòt lachè ki ka mennen zòt é ki zòt vréman ka aji kou moun-yan annan sa monn-an ? 4 Paské lò roun ka di « mo menm, mo ka swiv Pòl », é lò rounòt ka di « mo menm, mo ka swiv Apolos », ès a pa kou moun annan sa monn-an zòt ka fè ? 5 Mé Apolos, a kimoun ? Wi, Pòl, a kimoun ? A dé sèrvitèr ki idé zòt krè, dapré sa Sényèr-a bay yé chak. 6 Mo, mo planté, Apolos rozé, mé a Bondjé ki té ka fè sa ki té planté-a pousé, 7 konsa, sa-la ki enpòrtan, a pa sa-la ki ka planté ni sa-la ki ka rozé, mé a Bondjé ki ka fè sa ki planté-a pousé. 8 Menmsi sa-la ki ka planté ké sa-la ki ka rozé ka travay ansanm, yé chak ké gen yépa rékonpans dapré travay yé fè-a. 9 Paské nou ka travay ansanm ké Bondjé. Zòt sa bati Bondjé ka kiltivé, kaz Bondjé ka konstrwi-a. 10 Grasa favèr Bondjé mo pa mérité mo rousouvwè-a, mo pozé fondasyon-yan kou roun bon chèf chantyé, é rounòt moun ka konstrwi asou yé. Mé a pou chak moun toujou byen panga mannyè i ka konstrwi asou sa fondasyon-yan. 11 Paské pyès moun pa pouvé pozé ròt fondasyon ki sa-ya ki ja la : Jézi Kris. 12 Mé, si nou ka konstrwi asou sa fondasyon-yan ké lò, ké arjan, ké ròch ki gen bokou valò, ké bwa, ké zèrb ouben lapay, 13 nou ké wè ki kalité travay chak moun fè, paské jou-a ké montré l’, paské chalò difé-a ké montré kouman travay-a fèt, é sa difé-a ké pèrmèt wè valò travay chak moun fè. 14 Si sa roun moun konstrwi asou sa fondasyon-yan ka rété dibout, i ké gen roun rékonpans ; 15 si difé-a ka boulé tout travay roun moun, i ké pédi roun bagaj, mé sa moun-an ké sové kan menm ; mé, a ké kousidiré i pasé anba difé. 19 Paské sajès sa monn-an sòt pou Bondjé ; pas men sa ki ékri : « I ka fè sa-ya ki saj tonbé annan yé pròp trap. » 20 É men sa ki ékri ankò : « Jéova savé ki fason sa-ya ki saj ka réfléchi pa vo anyen. »