1 Corinthiens

4 Yé divèt wè nou kou sèrvitèr Kris é kou dé wonm ki ka okipé di sigré Bondjé ki sen. 2 É sa yé ka doumandé sèrvitèr-ya ki ka okipé di bagaj yé mèt, a ki yé fidèl. 6 Mé mo frè-ya, mo menm ké Apolos, nou fè sa mo fin di zòt-a. A pou zòt nou fè sa, pou zòt anprann sa lalwa-a grasa nou èkzanp : « Pa alé pi lwen ki sa ki marké », é pou zòt pa gonflé zòt lèstomak é pa fè préférans. 7 Paské kimoun ki ka fè to divini diféran di rounòt moun ? Wi, kisa to gen yé pa bay to ? É si a bay yé bay to l’, poukisa to ka fè gran larjò kousidiré yé pa té bay to l’ ? 12 é nou ka travay rèd ké nou dé lanmen. Lò moun ka jouré nou, nou ka béni yé ; lò yé ka pèrsékité nou, nou ka tchenbé rèd ké pasyans ; 17 A pou sa mo ka voyé Timoté pou zòt, paské i sa mo timoun mo kontan-an é i fidèl ké Sényèr-a. I ké fè zòt sonjé kouman mo ka travay pou Jézi Kris, kou mo menm mo ka montré toupatou annan tout asanblé-ya kouman mo ka travay pou Jézi Kris.