1 Thessaloniciens

3 Paské men sa Bondjé lé : a pou zòt sen é a pa pou zòt fè pyès bagaj sèksyèl malpròp. 4 A pou zòt chak konnèt kontrolé so kò pou i rété sen é pou i gardé so lònò. 5 é a pa pou zòt kouri tonbé annan dézir sèksyèl zòt pa ka kontrolé kou nasyon-yan ki pa konnèt Bondjé. 9 Mé, pou zafè kontan zòt frè ké sò-ya, zòt pa bézwen nou ékri zòt pou sa, paské Bondjé li menm ka anprann zòt kontan zòt konpanyen. 10 Épi a sa zòt ja ka fè pou frè-ya annan tout péyi Masédwann-an. Mé nou frè-ya, nou ka ankourajé zòt fè sa ankò plis. 11 Fè tousa zòt pouvé pou zòt viv an pè, pou zòt okipé di zòt zafè é pou zòt travay ké zòt lanmen, kou nou di zòt fè l’, 13 Anplis di sa, nou frè-ya, nou pa lé zòt rété san zòt pa savé anyen asou sa-ya ki ka dronmi annan lanmò, pou zòt pa gen chagren kou sa-ya ki pa gen èspwar. 17 Apré sa, nou menm ki vivan toujou, nou ké ansanm ké yé, annan niyaj-ya pou alé jwenn Sényèr-a annan syèl-a ; épi konsa nou ké toujou ansanm ké Sényèr-a. 18 Donk, kontinyé konsolé zòt konpanyen ké sa paròl-ya.