Genèse

10 I rakonté so papa sa osi. Mé so papa babyé l’. I di li : « Kisa sa rèv-a lé di ? To krè ki mo, to manman ké to frè-ya, nou ké kroubé jouk atè douvan to ? » 23 Lò Jozèf rivé bò d’ so frè-ya, yé tiré bèl gran lenj i té gen asou li-a. 24 Épi yé jité l’ annan pi-a. A sa moman-an, i pa té gen dlo annan pi-a. 25 Apré sa, yé asiz pou manjé. Épi men, yé wè roun group Ismayélit ki té ka soti Galaad. Yé té ka charyé gonm, dilwil ké lékòrs ki ka santi bon asou do yé chamo. Yé té k’alé Léjip. 26 Atò, Jida di so frè-ya : « Kisa nou ké ganyen si nou ka tchwé nou frè épi nou ka séré sa nou fè ? 27 Pasé nou tchwé l’, annou vandé l’ pou Ismayélit-ya. Kanmenm, a nou frè, nou pròp disan. » So frè-ya kouté l’. 28 Yé tiré Jozèf di pi-a é, lò moun Madyan ki té ka vandé pasé bò d’ yé, frè Jozèf vandé l’ pou yé. Ismayélit-ya bay yé 20 pyès lanmonnen é yé mennen Jozèf Léjip.