Psaume
23 Jéova sa mo Bèrjé. Mo pa ké manké anyen. 2 I ka fè mo kouché annan savann koté i gen bokou zèrb, i ka mennen mo pozé koté i gen bokou dlo. 3 I ka roubay mo fòrs. Akoz di so non, i ka mennen mo asou chimen lajistis. 4 Menmsi mo ka maché annan soukou dou, mo pa pè pyès mové bagaj rivé mo, paské to la ké mo ; to baton ka rasiré mo. 5 Douvan mo lèlmi, to ka préparé roun tab plen ké manjé pou mo. To ka mété dilwil asou mo tèt pou fè mo plézi ; mo pot byen plen. 6 Asiré, mo ké profité di tout bon bagaj to ka fè pou mo, ké di to lanmou fidèl pannan tout mo lavi, é mo lé rété annan kaz Jéova tout mo lavi.