2 Chroniques

26 Atò, tout pèp Jida mété Ozyas rwa annan plas so papa, Amazia. A sa lépòk-a, Ozyas té gen 16 lannen. 2 A li ki roufè vil Élat-a é ki roubay Jida sa vil-a lò rwa-a pran somèy annan lanmò kou tout so fanmi anvan li. 3 Ozyas té gen 16 lannen lò i divini rwa, é i rété rwa Jérizalèm pannan 52 lannen. So manman, a té Jékolya ; a té roun moun Jérizalèm. 4 Ozyas té ka fè sa ki té bon pou Jéova, kou so papa, Amazya, té fè anvan li. 5 É i chaché Bondjé, tout tan Zakari té vivan, a li ki anprann li gen lakrent pou vré Bondjé-a. Pannan tout tan i chaché Jéova, vré Bondjé-a fè so zafè byen maché. 10 I konstrwi osi plizyèr tour annan dézèr-a, é i fouyé roun patché pi (pas i té gen bokou zannimo) ; i fè menm bagaj-a annan Lachéféla ké annan savann-an. I té gen moun ki té ka travay latè ké sa ki té ka planté pyé rézen pou li annan montangn-yan ké annan Karmèl, paské i té kontan travay latè. 16 Mé dipi Ozyas divini pwisan, i koumansé krè so kò é a sa ki fè l’ tonbé, é i pa rété fidèl douvan Jéova so Bondjé. A konsa i antré annan tanp Jéova-a pou boulé lansan asou lotèl lansan-an. 18 Yé lévé dibout kont rwa Ozyas é yé di li : « Ozyas, to pa gen drwa boulé lansan pou Jéova ! A prèt-ya rounso ki gen drwa boulé lansan, paské yé sa pitit di pitit Aaron, sa-ya Bondjé sanktifyé. Soti la, paské to montré to pa fidèl, é Bondjé Jéova pa ké bay to pyès laglwar pou sa to ka fè. » 19 Mé Ozyas, ki té gen roun bagaj pou boulé lansan annan so lanmen, lévé faché. É tou faché i té faché kont prèt-ya, lalèp parèt asou so fron douvan prèt-ya, annan tanp Jéova-a, bò d’ lotèl pou lansan-an. 21 Rwa Ozyas-a rété ké so lalèp jis jou i mouri. I té ka rété annan roun kaz andèrò, paské, kou i té gen lalèp, i pa té gen drwa alé annan tanp Jéova-a. É so pitit Jotam té ka dirijé palè rwa-a é té ka jijé moun péyi-a.