Romains

13 Tout moun divèt obéyi sa-ya ki gen otorité, paské i pa gen pyès otorité si a pa Bondjé ki ka pèrmèt yé la ; a Bondjé ki fè si otorité-ya la koté yé fika. 2 A pou sa, roun moun ki pa ka obéyi otorité-a pa ka asèpté dispozisyon Bondjé pran ; Bondjé ké kondané sa-ya ki ka kontinyé fè sa. 5 Atò sa enpòrtan di obéyi, akoz di sa kòlè-a mé osi akoz di zòt konsyans. 6 A pou sa zòt ka péyé enpo osi ; paské moun-yan ki ka dirijé, a travay Bondjé yé ka fè é a toulong yé ka fè sa travay-a. 7 Bay tout moun sa yé gen drwa rousouvwè : enpo pou sa-la ki ka doumandé yé bay li enpo ; taks pou sa-la ki ka doumandé yé bay li taks ; lakrent pou sa-la ki ka doumandé yé bay li lakrent ; lònò pou sa-la ki ka doumandé yé bay li lònò. 8 Panga zòt pa dwé pyès moun anyen, sof kontan zòt konpanyen ; pas sa-la ki kontan so konpanyen ka fè sa lalwa-a ka di. 9 Paské lalwa — « to pa divèt fè adiltèr, to pa divèt tchwé, to pa divèt vòlò, to pa divèt anvi gen bagaj ròt-ya gen », ké tout ròt koumannman-yan — ka tchenbé annan sa palò-a rounso : « To divèt kontan to konpanyen kou to menm. » 10 Roun moun ki gen lanmou pa ka fè so konpanyen soufri ; atò roun moun ki gen lanmou ka fè sa lalwa-a ka di. 13 Annou maché roun fason ki drèt, kou lò i gran jou. Nou pa divèt ni partisipé annan vyé lafèt malpròp, ni bwè pou sou, ni gen rélasyon sèksyèl ki sal, ni fè bagaj san rèspè épi ké toupé, nou pa divèt ni briga ni jalou moun. 14 Mé a pou zòt imité Sényèr-a, Jézi Kris, épi pa fè pyès projè pou fè sa lachè-a kontan.