Proverbes

4 Pa fatigé to kò pou to trapé richès. Arété épi aji ké entélijans. 5 Paské lò to ka gadé yé, yé pa la ankò paské zèl ka pousé asou yé kou roun zèg épi yé ka chapé annan syèl-a. 15 Mo pitit, si to tchò ka divini saj, mo tchò ké kontan. 20 Pa rété ni ké sa-ya ki ka bwè tròp diven, ni ké sa-ya ki ka plen yé vant ké vyann kou dé moun voras, 21 paské tafyatò ké gouloufya ké vin maléré, é moun ki ka sigalé, a griyon yé ké mété. 23 Achté lavérité-a épi pa janmen vandé li ; fè sa osi pou sajès-a, disiplin-an ké entélijans-a. 24 Tchò papa roun moun ki jis ké kontan, asiré pa pitèt ; sa-la ki ka fè roun pitit ki saj ké kontan gen roun timoun konsa. 25 To papa ké to manman ké fè lafèt, fanm-an ki mété to asou latè-a, so tchò ké kontan. 29 Kimoun ki ké gen malò ? Kimoun ki pa ké santi so kò byen ? Kimoun ki ké babyé ? Kimoun ki ké plenn so kò ? Kimoun ki ké blésé pou anyen ? Kimoun so wéy ké boufi ? 30 A sa-ya ki pa ka las bwè diven, sa-ya ki ka chaché diven ki mélanjé. 31 Pa gadé kouman diven-an byen rouj, kouman i ka kléré annan to koup, kouman i ka glisé annan to gòrj, 32 paské i ka modé kou roun sèrpan, i gen pwézon kou roun vipèr. 33 To wéy ké wè bagaj ki dròl, to tchò ké di bagaj malpròp. 34 To ké kou roun moun ki kouché anmitan lanmè, kou roun moun ki kouché laro potomitan roun bato. 35 To ké di : « Yé bat mo, mé mo pa santi anyen. Yé bat mo, mé mo pa té menm savé sa. Kitan mo ké lévé ? Mo swèf toujou… »