Ecclésiaste

7 Roun bon répitasyon pi bon pasé roun bon dilwil, é jou-a roun moun ka mouri pi bon pasé jou-a i fèt. 2 Simyé to alé annan roun kaz koté moun ka poté dèy, pasé to alé annan roun kaz koté moun ka fè lafèt. Paské tout moun ka mouri, é sa divèt enpòrtan pou sa-ya ki vivan. 7 Mé lò roun moun ki gen sajès anba présyon, sa pouvé fè l’ vin fou, é roun soumaké anba tab ka gaté tchò moun. 8 Lafen roun bagaj miyò pasé lò i koumansé. Pasyans miyò pasé fè ròklò. 9 Pa kòlè vitman pou anyen, paské a moun tèbè ka kòlè pou anyen. 10 Pa di : « Poukisa lavi tan-lontan té pi bon pasé jòdla ? » Paské a pa sajès-a ki ka fè to pozé sa késyon-an. 12 Paské sajès-a ka protéjé nou menm fason soumaké-a pouvé protéjé nou, mé men sa ki pi bon lò roun moun gen konésans : sajès-a ka protéjé so lavi. 16 A pa pou to pi jis pasé sa to divèt é pa fè kousidiré to té saj pasé pyès moun. Poukisa to té ké fè malò-a vini asou to ? 17 A pa pou to tro méchan épi a pa pou to sòt. Poukisa to té ké mouri anvan lèr-a rivé ? 18 Miyò to kouté prémyé avèrtisman-an san to pa bliyé dézyèm-an ; paské sa-la ki gen lakrent pou Bondjé ké swiv yé toulédé. 20 Paské i pa gen pyès moun ki jis asou latè-a ki toujou ka fè bon bagaj é ki pa janmen ka fè pyès péché. 21 Anplis di sa, pa gadé pou tout bagaj moun-yan ka di, pou to pa tandé to sèrvitèr doumandé malò vini asou to ; 22 pas to byen savé ofon to tchò konmyen fwa to déja doumandé malò vini asou ròt-ya osi.