Proverbes

3 A grasa sajès-a roun moun ka rivé fè roun kaz, é a paské i ka konprann tout bagaj i ka rivé fè l’ tchenbé. 5 Roun moun ki gen sajès gen pouvwar ; é ké konésans-a, roun moun gen plis pouvwar. 6 Pou fè lagèr sa enpòrtan pou to byen konnèt sa pou to fè é, lò i gen bokou moun pou bay konsèy, to blijé ganyen. 7 Sa-la ki sòt pa pouvé gen vré sajès-a ; i pa ka jwenn anyen pou di lò i annan lapòt vil-a. 10 Si to dékourajé jou-a to annan traka, to pa ké gen bokou fòrs. 15 Ké tout to méchansté, pa séré òbò kaz roun moun ki jis pou baré l’ ; pa krazé koté i ka pozé so kò. 16 Paské sa-la ki jis pouvé tonbé sèt fwa, mé i ké roulévé ; mé moun mové-a, ké tribiché akoz di malò. 17 Lò to lèlmi ka tonbé, pa ari, é lò i ka tribiché, to tchò pa divèt kontan. 27 Préparé travay to gen pou fè dèrò, épi préparé tousa to gen pou fè annan to bati, apré sa, fè to kaz. 28 Panga bay témwanyaj kont to konpanyen san to pa gen pyès rézon pou fè l’. Pa sèrvi to bouch pou bloublou moun.