Marc

15 « Nou divèt péyé l’ ouben nou pa divèt péyé l’ ? » Kou Jézi wè yé té ipokrit i réponn yé : « Poukisa zòt ka éséyé pran mo annan zòt trap ? Poté roun dényé pou mo. » 16 Yé poté roun pou li. I doumandé yé : « Sa vizaj-a ké sa ki ékri asou sa dényé-a, a di kimoun ? » Yé réponn li : « A di Sézar. » 17 Alòr Jézi di : « Bay Sézar sa ki di Sézar, mé bay Bondjé sa ki di Bondjé. » É répons i bay yé fè yé rété bouch gran louvri. 26 Mé asou zafè rézirèksyon moun mouri-ya, ès zòt pa li annan liv Moyiz-a, annan istwè asou ti-pyé pikan-an, ki Bondjé di li : “Mo sa Bondjé Abraam, Bondjé Izaak ké Bondjé Jakòb” ? 27 A pa Bondjé moun mouri-ya, a Bondjé sa-ya ki vivan. Zòt pa konnèt anyen menm. » 30 To divèt kontan Jéova to Bondjé ké tout to tchò, ké tout to nanm, ké tout to pansé épi ké tout to fòrs. 41 Apré sa, i asiz anfas bwèt pou fè ofrann annan Trézòr-a annan tanp-a é i gadé kouman patché moun té ka mété lajan. Bokou moun ki té plen ké plon té ka mété roun patché soumaké. 42 Épi roun vèv ki té maléré rivé é i mété dé ti pyès ki pa gen bokou valò. 43 Jézi aplé so disip é i di yé : « Vréman, mo ka di zòt sa vèv maléré-a mété plis ki tout sa ki mété soumaké annan bwèt pou mété ofrann-yan annan Trézòr-a. 44 Paské yé tout mété sa yé pa té bézwen, mé li menm, ki maléré, mété tousa i té gen, tousa i té gen pou i viv.