Ecclésiaste

11 Mé lò mo pran tan réfléchi asou tousa mo té fè ké mo dé lanmen épi tout travay rèd mo té travay rèd, mo konprann sa pa té vo anyen, a kousidiré mo té ka kouri dèyè van-an ; i pa té gen anyen ki té vréman gen valò anba solèy-a. 15 Alòr mo di annan mo tchò : « Menm bagaj ki rivé initil-a, a sa ki ké rivé mo. » Mo divini pi saj pasé pésonn, mé kisa sa poté pou mo ? Atò mo di annan mo tchò : « Sa osi, sa pa ka sèrvi anyen. » 24 I pa gen pi bon bagaj pou roun wonm ki sa : manjé, bwè épi pran plézi annan travay rèd i fè-a. Mo konprann ki sa osi sa ka vini di lanmen vré Bondjé-a.