2 Timothée

2 pou Timoté, mo pitit mo kontan-an : Mo ka doumandé pou Bondjé Papa-a ké Kris Jézi nou Sényèr bay to favèr nou pa mérité-a ké mizérikòrd ké lapè ! 5 Paské mo ka sonjé lafwa to gen san anba anba, ki to granmanman Loyis ké to manman Énis té gen anvan to, mé mo sir ki to ganyen sa lafwa-a osi. 6 A pou sa mo ka di to fè kado Bondjé bay to-a é ki to rousouvwè lò yé mété lanmen asou to, roupran kousidiré a roun difé to ka vanté. 7 Paské lèspri sen Bondjé bay nou-a pa fè nou vin moun ki kapon, mé i fè nou gen pwisans, lanmou ké bon sans. 8 Donk, pa ronté fè moun konnèt Sényèr-a, é pa ronté akoz di mo, mo ki lajòl pou li, mé a pou to paré soufri pou bon nouvèl-a, toupannan to ka konté asou pwisans Bondjé-a. 13 Kontinyé pran modèl asou bon paròl-ya to tandé mo di to, fè sa ké lafwa ké lanmou nou gen grasa nou lanmityé ké Jézi Kris. 14 Tchenbé sa bèl bagaj-a grasa lèspri sen ki la annan nou tchò. 16 A pou Sényèr-a aji ké mizérikòrd ké fanmi Onézifòr, paské i konsolé mo souvan. Anplis di sa, mo chenn pa fè li ronté. 17 O kontrèr, lò i té Ròm, i chaché mo ké flanbo é i trouvé mo. 18 A pou Sényèr-a fè li jwenn mizérikòrd sa jou-a. To savé pi byen pasé pyès moun tousa i fè pou randé moun sèrvis lò i té Éfèz.