Actes

14 Lò yé rivé Ikonyòm, yé antré ansanm annan sinagòg Jwif-ya épi fason yé té ka kozé fè ki roun patché Jwif ké Grèk vini koumansé krè annan Bondjé. 2 Mé Jwif-ya ki pa té ka krè fè moun nasyon-yan lévé faché kont frè-ya é yé fè yé rayi yé. 3 Pòl ké Barnabé pasé roun patché tan annan sa koté-a ka palé ké kouraj grasa pouvwar Jéova-a, ki té ka byen montré ki i té dakò ké mésaj yé té ka préché asou so favèr nou pa mérité, grasa tout sign ké mirak i té ka pèrmèt yé fè. 11 Lò moun-yan wè sa Pòl té fè, yé koumansé rélé byen fò annan lang likaonyen-an : « Bondjé-ya chanjé yé kò pou yé divini moun, yé désann vini jwenn nou !  » 12 É yé koumansé aplé Barnabé « Zés », é Pòl « Èrmès », pas a li ki té ka palé pou yé toulédé. 14 Lò apot-ya, Barnabé ké Pòl, tandé sa, yé déchiré yé lenj, yé kouri alé anmitan moun-yan é yé rélé : 15 « Wonm, poukisa zòt ka fè sa ? Nou sa dé moun ki gen menm féblès ki zòt. Nou ka anonsé zòt bon nouvèl-a pou zòt lésé sa bagaj-ya ki pa gen valò é pou zòt louwé Bondjé-a ki vivan, ki kréyé syèl-a, latè-a ké lanmè-a ké patché ròt bagaj ankò. 17 Mé, i toujou montré kimoun i sa ké tout bon bagaj i fè pou zòt : i bay zòt lapli ki ka vini di syèl-a ké sézon ki pèrmèt zòt trapé bokou manjé, i bay zòt manjé pou plen zòt vant é i plen zòt tchò ké lajwa. » 19 Mé plizyèr Jwif ki té soti Antyòch ké Ikonyòm rivé, é yé palé annan tèt moun-yan tèlman ki yé voyé ròch asou Pòl. Kou yé té krè i té mouri, yé ralé so kò an dèrò vil-a. 20 Mé, lò disip-ya vini bò d’ li, i lévé é i antré annan vil-a. Landimen-an, li ké Barnabé pati Dèrbé. 21 Apré yé fin di bon nouvèl-a annan sa vil-a ké fè roun patché disip, yé routounen Lis, Ikonyòm ké Antyòch. 22 A sa moman-an, yé bay disip-ya fòrs é yé ankourajé yé rété annan lafwa grasa sa yé di yé : « Nou ké gen pou pasé annan roun patché éprèv anvan nou antré annan rwayonm Bondjé-a. » 23 Anplis di sa, yé mété plizyèr ansyen pou yé annan chak asanblé, yé té ka priyè é yé té ka rété san manjé, é yé doumandé Jéova pran swen di yé, paské yé té ka krè annan l’ aprézan.