Proverbes

2 Lò roun moun ka fè ròklò, a ronté ki ka vin dèyè, mé a moun ki konnèt yé limit ki gen sajès. 3 Sa ki ka gidé moun ki drèt, a yé fidélité, mé sa-ya ki trèt ka fè chimen kochi é a malò sa ké mennen pou yé. 9 Moun-an ki ka dérèspèkté Bondjé ka sèrvi so bouch pou fè so konpanyen tonbé, mé konésans-a ka libéré sa-ya ki drèt. 11 Grasa bénédiksyon moun ki drèt, roun vil ka vin gen bokou valò, mé sa moun ki méchan ka di ka krazé vil-a. 12 Sa-la ki pa gen bon sans ka aji ké so konpanyen ké mépri, mé sa-la ki konnèt fè diférans ant sa ki bon ké sa ki mové, pa ka di anyen. 13 Sa-la ki ka palé moun mal pou sali yé répitasyon k’alé répété bagaj yé di li pa répété, mé roun moun to pouvé fè konfyans konnèt tchenbé roun sigré. 14 Lò i pa gen pyès moun pou bay bon dirèksyon-an, pèp-a ka soufri ; parkont, lò i gen roun patché moun pou bay konsèy, tout bagaj ka maché byen. 17 Roun wonm ki bon ka fè bon bagaj pou so kò, mé sa-la ki mové ka jwenn problèm pou so kò. 25 Moun-an ki ka bay ké tchò kontan ké gen bokou bénédiksyon, é sa-la ki ka bay ròt-ya bwè, li menm osi ké bwè é i pa ké swèf ankò. 28 Sa-la ki ka fè so richès konfyans ké tonbé, mé sa-la ki jis ké vin kou roun pyébwa ki gen bèl féy.