Psaume

5 I mété latè-a asou so fondasyon ; yé pa ké jen tiré l’ koté i fika. 12 Zozo-ya ki annan syèl-a ka fè yé nik annan pyébwa-ya ki òbò dlo-ya, yé ka chanté asou yé branch ki plen ké féy. 13 Dipi to chanm ki laro, to ka rozé montangn-yan. Latè-a plen ké bagaj to fè. 14 I ka fè zèrb pousé pou béf-ya manjé ké plant pou moun-yan, pou latè-a bay manjé pou yé pouvé manjé : 15 diven-an pou fè tchò moun kontan, dilwil-a ki ka fè vizaj moun-yan kléré ké dipen-an pou bay yé fòrs. 24 To fè bokou bagaj, o Jéova ! To fè yé tout ké sajès. Latè-a plen ké tousa to fè. 27 Yé tout ka antann asou to pou yé rousouvwè yé manjé o bon moman-an. 28 Sa to ka bay yé, yé ka ranmasé l’. To ka louvri to lanmen, é yé ka trapé yé kont bon bagaj. 30 Si to ka voyé to lèspri, yé ka viv, é to ka fè latè-a vin nòv. 31 Laglwar Jéova-a ké la pou tout-tan. Jéova ké kontan travay i fè-a. 33 Mo lé chanté pou Jéova pannan tout mo lavi, mo lé chanté louwanj pou mo Bondjé pannan tout tan mo ké vivan.