1 Jean

2 Mo pitit-ya, mo ka ékri zòt sa bagaj-ya pou zòt pa fè pyès péché. É pourtan, si roun moun ka fè roun péché, nou gen roun asistan òbò Papa-a, Jézi Kris, roun moun ki jis. 3 É men kouman nou savé nou anprann konnèt li : si nou ka kontinyé obéyi so koumannman. 4 Si roun moun ka di : « Mo konnèt li », mé pannan sa tan-an i pa ka obéyi so koumannman, a manti i ka manti, é lavérité-a pa annan sa moun-an. 6 Sa-la ki ka di ki i ka rété ansanm ansanm ké li divèt kontinyé viv menm fason Jézi viv. 14 Zòt ki papa, mo ka ékri zòt paské zòt anprann konnèt sa-la ki la dipi o koumansman. Jennjan-yan, mo ka ékri zòt pas zòt fò, zòt ka kontinyé krè Paròl Bondjé-a é zòt ganyen asou méchan-an. 15 Pa kontan monn-an ni bagaj-ya ki annan monn-an. Si roun moun kontan monn-an, lanmou pou Papa-a pa annan sa moun-an ; 16 paské tousa i gen annan monn-an — sa lachè-a kontan, sa wéy-ya kontan ké djèz roun moun ka fè pou fè moun wè tousa i gen — pa ka vini di Papa-a, mé ka vini di monn-an. 17 Anplis di sa, a disparèt sa monn-an ka disparèt, é sa i lé osi ka disparèt, mé sa-la ki ka fè volonté Bondjé ké viv pou tout-tan.