Jean

13 Mé, anvan lafèt Lapak-a, Jézi té savé ki lèr-a té rivé pou i lésé monn-an pou alé òbò Papa-a. A pou sa, kou i té kontan so moun ki té annan monn-an, i montré i té kontan yé jiska lafen. 3 Épi Jézi té savé ki Papa-a té mété tout bagaj-ya annan so lanmen é ki a Bondjé ki té voyé l’ é ki a té koté Bondjé i té ka routounen. 4 Atò, i lévé di tab-a é i tiré lenj ki té asou lenj i té mété-a. I pran roun sèrvyèt é i maré so ren ké li. 5 Apré sa, i vidé dlo annan roun bésin, épi i koumansé lavé pyé so disip é i swiyé yé pyé ké sèrvyèt i té maré so ren ké li-a. 12 Lò i fin lavé yé pyé, i roumété so lenj, i viré òbò tab-a épi i di yé : « Ès zòt konprann sa mo soti fè pou zòt la ? 13 Zòt ka aplé mo “Ansényan” ké “Sényèr”, é zòt gen rézon, pas a sa mo sa. 14 Donk, si mo menm ki sa Sényèr-a ké Ansényan-an, mo lavé zòt pyé, zòt menm osi zòt divèt lavé pyé zòt konpanyen. 15 Paské mo montré zòt kouman pou zòt fè, pou zòt osi zòt fè kou mo menm mo fè pou zòt. 17 Si zòt savé sa bagaj-ya, zòt tchò ké kontan si zòt ka fè yé. 23 Roun annan disip-ya, sa-la Jézi té kontan-an, té lonjé òbò Jézi. 34 Mo ka bay zòt roun nouvo koumannman : a pou zòt kontan zòt konpanyen ; menm fason mo té kontan zòt, zòt menm osi a pou zòt kontan zòt konpanyen. 35 A konsa tout moun ké savé ki zòt sa mo disip : si zòt gen lanmou pou zòt konpanyen. »